Edú

Na Galipedia, a Wikipedia en galego.
Edú
Edu (R Betis) 2008.jpg
Edú como xogador do Betis en 2008
Información persoal
Nome completo Luís Eduardo Schmidt
Nacemento 10 de xaneiro de 1979 (37 anos)
Lugar Jaú, Brasil
Altura 1,82 m.
Posición Centrocampista / Dianteiro
Carreira xuvenil
1996–1997 XV Jaú
Carreira sénior
Anos Equipos Aprs (Gls)
1997–2000 São Paulo 11 (0)
2000–2004 Celta de Vigo 117 (27)
2004–2009 Betis 136 (36)
2009–2010 Internacional 25 (3)
2011 Vitória 5 (1)
2012 Colorado Rapids 9 (0)
Total 303 (67)
Selección nacional
1999–2000 Brasil sub-23 14 (6)
2000 Brasil 1 (0)
* Partidos e goles só en liga doméstica.
† Aparicións (Goles)

Luís Eduardo Schmidt, máis coñecido como Edú, nado en Jaú (São Paulo) o 10 de xaneiro de 1979, é un ex futbolista brasileiro. Xogaba de centrocampista ou dianteiro e foi internacional coa selección brasileira.

Traxectoria[editar | editar a fonte]

Comeza no fútbol profesional no ano 1995 nas categorías inferiores do São Paulo. Subindo ao primeiro equipo tres anos despois, afianzandose no equipo titular no ano 2000. Nese ano foi campión preolímpico coa Selección de fútbol de Brasil e campión paulista, marcando dous goles no segundo encontro das semifinais ante o Corinthians. Ese ano tamén disputou os Xogoso Olímpicos de Sidney.

Ao rematar ese espectacular ano foi traspasado ao Celta de Vigo, onde foi unha peza fundamental dende a súa chegada sendo titular indiscutibel con tódolos adestradores celestes, destacando pola súa polivalencia tanto no centro como nas bandas.

Nos catro anos que xogou en Vigo disputaría tres tempadas seguidas a Copa da UEFA e no ano 2003 a Liga de Campións. Tamén chegaría á final da Copa do Rei no ano 2001.

Porén tralo descenso do Celta a Segunda División no ano 2004 foi traspasado ao Real Betis por unha cifra próxima aos cinco millóns de euros.

A súa primeira tempada en Sevilla foi a mellor do equipo bético, gañando a Copa do Rei e clasificándose para a Liga de Campións.

Na tempada 2006-07 salva ao equipo do descenso con dous goles na última xornada. Pero dúas tempadas despois non podería repetilo consumándose o descenso do Betis no ano 2009. Dous meses despois ficha polo Internacional de Porto Alegre.

No seu regreso a Brasil as lesións non lle permitiron ter regularidade, non podendo participar na vitoria do seu equipo na Copa Libertadores, polo que fichou polo Vitoria. Dende este equipo daría o salto á MLS, a Liga Profesional de Estados Unidos, fichando en abril de 2012 polo Colorado Rapids.

Pese a ser un asíduo ás categorías inferiores da Selección de fútbol do seu país so xogou unha vez ca Selección do Brasil, o 23 de febreiro de 2000 ante Tailandia

Véxase tamén[editar | editar a fonte]

Ligazóns externas[editar | editar a fonte]