Mauricio Pinilla

Na Galipedia, a Wikipedia en galego.
Mauricio Pinilla
Información persoal
Nome completo Mauricio Ricardo Pinilla Ferrera
Nacemento 4 de xuño de 1984 (31 anos)
Lugar Santiago de Chile, Flag of Chile.svg Chile
Altura 1,87 m.
Posición Dianteiro
Carreira xuvenil
Club Universidad de Chile
Carreira sénior
Anos Equipos Aprs (Gls)
2002-2003 Club Universidad de Chile 39 (20)
2003-2004 Inter de Milan
2003 Chievo Verona (Cedido) 6 (0)
2004 Celta de Vigo (Cedido) 10 (2)
2004-2006 Sporting de Lisboa 5 (1)
2006 Racing de S. (Cedido) 13 (1)
2006-2008 Hearth FC 6 (2)
2007 U. de Chile (Cedido) 4 (2)
2008-2009 CR Vasco da Gama 3 (0)
2009 Apollon Limassol 5 (2)
2009-2010 US Grosseto FC 24 (24)
2010-2012 US Città di Palermo 45 (11)
2012- Cagliari Calcio 56 (17)
Selección nacional
2003- Chile 24 (5)
* Partidos e goles só en liga doméstica.
† Aparicións (Goles)

Mauricio Ricardo Pinilla Ferrera, nado o 4 de xuño de 1984 en Santiago de Chile é un futbolista chileno que xoga na demarcación de dianteiro.

Traxectoria[editar | editar a fonte]

Formouse nas categorías inferiores do Club Universidad de Chile, debutando co primeiro equipo no ano 2002 e anotando 20 goles nos 39 encontros disputados. Esta gran actuación fai que o fiche o Inter de Milán, aínda que sería cedido ao Chievo Verona, onde non tivo moita continuidade polo que foi cedido de novo no mercado invernal ao Celta de Vigo que buscaba evitar o descenso a Segunda División, obxectivo que non acadou. O seu inicio en Vigo foi prometedor, anotando dous goles ante o Deportivo Alavés na Copa do Rei, porén sería os únicos goles que anotaría, rematando a tempada apartado do equipo. Pese a todo chegaría a debutar na Liga de Campións co equipo galego.

Ao ano seguinte foi traspasado ao Sporting de Lisboa, de onde saiu cedido a causa do baixo rendemento, esta vez ao Racing de Santander. En 2006 foi fichado polo Heart of Midlothian FC escocés, por enésima vez non tivo a continuidade necesaria polo que foi cedido ao seu club de orixe, o Club Universidad de Chile, onde tampouco deu o rendemento esperado.

No ano 2008 fichou polo CR Vasco da Gama brasileiro, equipo que rematou perdendo a categoría a final de tempada. Ao ano seguinte fichou polo Apolon Limassol chipriota, onde remataría contrato sen ter ofertas doutros clubs.

En 2009 fichou polo US Grosseto FC da Serie B italiana, onde recuperou a capacidade goleadora, alcanzando o récord de goles en partidos consecutivos, ao superar os 11 goles de Gabriel Batistuta. Ao ano seguinte foi traspasado ao US Città di Palermo, da Serie A, de onde foi cedido ao Cagliari Calcio nun primeiro momento e despois en propiedade.

Véxase tamén[editar | editar a fonte]

Ligazóns externas[editar | editar a fonte]