Sergio Fernández González

Sergio Fernández
Información persoal
Nome	Sergio Fernández González
Nacemento	23 de maio de 1977 (45 anos)
Lugar de nacemento	Avilés
Altura	1.91 m
Posición	Defensa
Carreira xuvenil
1992–1994	Sporting de Gijón
Carreira sénior
Anos	Equipos	Aprs	(Gls)
1994–1996	Sporting de Gijón B	51	(2)
1996–1999	Sporting de Gijón	84	(2)
1999–2006	Celta de Vigo	130	(4)
2006–2008	Real Zaragoza	55	(1)
2008–2012	CA Osasuna	81	(4)
2012	Sporting de Gijón	1	(0)
Selección nacional
1997–2000	España sub-21	12	(0)
Partidos e goles só en liga doméstica. [ editar datos en Wikidata ]

Sergio Fernández González, nado o 23 de maio de 1977 en Avilés é un exfutbolista español que xogaba na demarcación de defensa central.

Traxectoria

Formouse nas categorías inferiores do Sporting de Gijón, debutou co primeiro equipo na tempada 1995/96.

Tras varios anos como habitual na Selección de fútbol sub-21 de España, no verán de 1999 fichou polo Celta de Vigo, adestrado por aquel entón por Víctor Fernández.

Porén a súa progresión viuse truncada polas lesións, chegando a pasar tempadas en branco como a 2000/01. Nas sete tempadas que militou disputou dúas tempadas na Copa da UEFA e chegou a debutar na Liga de Campións, pero tamén sufriu o descenso a Segunda División e o posterior ascenso.

A finais da tempada 2004/05 non renova co Celta e ficha polo Real Zaragoza, dirixido polo seu ex-adestrador no Celta Victor Fernández, onde militaría tres anos nos que tamén chegou a xogar a UEFA e a descender a Segunda. No verán de 2008 deixou o club maño e fichou polo CA Osasuna, onde xogou catro tempadas en Primeira División.

Finalizado o seu contrato co Osasuna regresou ao Sporting de Gijón adestrado polo seu ex-compañeiro no Sporting e no Celta Manolo Sánchez Murias. Porén as lesións obrigarono a retirarse antes de rematar a tempada, o 21 de outubro de 2012 anunciou que colgaba as botas.

Palmarés

Copas internacionais

Título	Club	País	Ano
Copa Intertoto	R. C. Celta de Vigo	Vigo (España) San Petersburgo (Rusia)	2000