Jordan Farmar

Jordan Farmar

(2015)
Biografía
Nacemento	30 de novembro de 1986 (37 anos) Os Ánxeles, Estados Unidos de América
Educación	William Howard Taft Charter High School (en) Birmingham High School (en) Universidade de California, Os Ánxeles Escola hebrea
Altura	188 cm
Peso	81 kg
Actividade
Ocupación	baloncestista
Período de actividade	2006 - 2016
Nacionalidade deportiva	Estados Unidos de América
Deporte	baloncesto
Liga	NBA G League, Baloncesto masculino da División I da NCAA e National Basketball Association
Posición de xogo	Base
Número deportivo	1
Convocado por	Los Angeles Lakers
Traxectoria   Equipo 2004–2006 UCLA Bruins 2006–2010 Los Angeles Lakers 2007–2007 → cesión:  South Bay Lakers 2010–2012 Brooklyn Nets 2011–2011 Maccabi Tel Aviv B.C. 2012–2013 Anadolu Efes S.K. 2013–2014 Los Angeles Lakers 2014–2015 Los Angeles Clippers 2015–2015 Darüşşafaka S.K. 2015–2016 Maccabi Tel Aviv B.C. 2016–2016 Memphis Grizzlies 2016–2016 Sacramento Kings

Jordan Robert Farmar, nado nos Ánxeles (California) o 30 de novembrode 1986, é un xogador de baloncesto estadounidense, que debutou como profesional na National Basketball Association (NBA) nas filas de Los Angeles Lakers durante a tempada 2006-07 e onde conseguiu dous aneis de campión.

Traxectoria deportiva

High School

Durante a súa tempada como xogador de instituto, foi considerado un dos mellores xogadores da súa cidade, Os Ánxeles, chegando a anotar 54 puntos nun partido. Terminou cunha media de 27,5 puntos e 6,5 asistencias, o que lle valeu ser recoñecido polo xornal Los Angeles Times como o xogador do ano.

Universidade

Asistiu soamente durante un ano á prestixiosa UCLA, onde estaba considerado un dos mellores bases anotadores da NCAA. Levou ao seu equipo, os Bruins, á final do campionato, onde perderon con Florida Gators por 57-73. Ao finalizar o campionato, anunciou a súa decisión de entrar no Draft da NBA. Tivo unha media durante esa tempada de 13,5 puntos e 5,1 asistencias.

Profesional

Foi elixido no draft de 2006 por un dos equipos da súa cidade, os Lakers, no posto 26 da primeira rolda. Impresionou aos observadores de tódolos equipos polo seu impresionante salto en vertical de 1,06 metros. Levando a camiseta co número 5 ás costas, asumiu a súa status de rookie, xogando unha media de 15,1 minutos por partido, e cunha media de 4,4 puntos e 1,9 asistencias.

Durante esa tempada, foi descendido ao equipo da NBA Development League de Los Angeles D-Fenders, filial do seu equipo, onde tan só disputou un partido, regresando de novo ao persoal dos Lakers. A tempada 2007-08 a súa progresión fíxolle ser un dos primeiros recambios utilizados por Phil Jackson, dobrando as súas estatísticas en practicamente todos os apartados. En 2010 asinou un contrato cos New Jersey Nets por 3 anos e 12 millóns de dólares.

O 3 de agosto de 2011, Farmar asinou un contrato dun ano co Maccabi Tel Aviv da Ligat ha'Al de Israel.

O 11 de xullo de 2012, foi traspasado xunto a Anthony Morrow, , Jordan Williams, Johan Petro, DeShawn Stevenson e unha elección da primeira rolda do Draft de 2013 ós Atlanta Hawks a cambio de Joe Johnson. Un día despois, foise a xogar a Turquía, tras asinar un contrato de tres anos co Anadolu Efes.

O 17 de xullo de 2013, Farmar volveu ós Lakers.

O 9 de xullo de 2014, Farmar asinou cos Los Angeles Clippers. Foi cortado o 16 de xaneiro de 2015. En 36 partidos, fixo 4.6 puntos, 1.9 asistencias e 1.2 rebotes por encontro.

Véxase tamén

Ligazóns externas

• Perfil de Jordan Farmar en NBA.com (en inglés)
• Biografía de Farmar na web de UCLA Bruins (en inglés)