NCAA

Na Galipedia, a Wikipedia en galego.

A National Collegiate Athletic Association (NCAA) é unha asociación composta dunhas 1.200 institucións, conferencias, organizacións e individuos que organizan a maioría dos programas deportivos universitarios nos Estados Unidos de América. A súa sede atópase actualmente en Indianapolis, Indiana.

Oficinas centrais da NCAA, en Indianapolis, Indiana)

Historia[editar | editar a fonte]

A súa predecesora, a Asociación Intercolexial de Atletismo dos Estados Unidos (IAAUS polas súas siglas en inglés), foi fundada o 31 de marzo de 1906 para fixar as regras do deporte amateur nos Estados Unidos. A súa creación foi suxerida polo entón presidente Theodore Roosevelt como reacción á súa preocupación pola crecente cantidade de lesións serias e mortes no fútbol universitario. A IAAUS despois convertiuse na NCAA en 1910.

Ata os anos 80, a asociación non ofrecía deportes femininos. En 1982, porén, todas as divisións da NCAA ofrecían campionatos nacionais para mulleres.

En agosto de 1973, a NCAA repartiu aos seus membros en 3 divisións: División I, División II e División III. Baixo as regras da NCAA, as universidades da División I e da División II poden ofrecer becas aos alumnos por practicar algún deporte. As universidades da División III por outro lado, non poden ofrecer esas becas.

A NCAA non é a única entidade do seu ámbito nos Estados Unidos, aínda que é a maior con diferenza, senón que tamén existe a National Association of Intercollegiate Athletics (NAIA). No Canadá opera a Canadian Interuniversity Sport (CIS).

Organización[editar | editar a fonte]

Estandartes de Campións do 2006 colgando do NCAA Hall of Champions en Indianapolis.

A estrutura lexislativa da NCAA está delegada en gabinetes e comités, formados por membros representantes das universidades. Estes, á súa vez, están divididos en sub-comités. Os regulamentos van dende alí ao Consello de Administración, que supervisa todos os gabinetes e comités, e que tamén inclúe a representantes das universidades, coma directores deportivos e asesores académicos. A lexislación do Consello de Administración pasa á Board of Directors, que está formado polos rectores das universidades, para a súa aprobación definitiva.

O cadro de persoal da NCAA proporciona soporte, actúa de guía, contacto, investigación e relación cos medios de comunicación. O presidente actual da NCAA é Myles Brand, antigo director da Universidade de Indiana.

Deportes[editar | editar a fonte]

Os deportes aprobados pola NCAA son:

Ata 1961 tamén se incluía o boxeo.

Noutros deportes universitarios que se practican e que non están supervisados pola NCAA, existen organizacións equivalentes que regulan a competición, como por exemplo:

Deporte Organizador
Vela Inter-Collegiate Sailing Association of North America (ICSA)
Hóckey a patíns National Collegiate Roller Hockey Association (NCRHA)
Equitación Intercollegiate Horse Show Association (IHSA)
Rugby USA Rugby
Squash United States College Squash Association (CSA)

Conferencias[editar | editar a fonte]

As 3 divisións agrupan aos seus membros en diferentes conferencias, que se poden ver nos artigos correspondentes a cada División:

Ligazóns externas[editar | editar a fonte]