Luke Walton

Luke Walton

Sacramento Kings
Adestrador
Información persoal
Nacemento	28 de marzo de 1980 (39 anos) San Diego (California)
Nacionalidade	Estados Unidos
Altura	2,03 m (6 ft 8 in)
Peso oficial	107 kg (235 lb)
Información da carreira
Instituto	University of San Diego High School
Universidade	Arizona (1999–2003)
NBA Draft	2006 / Rolda: 2 / Elección: 32 Por Los Angeles Lakers
Carreira	2003–2013
Historial de equipos
Los Angeles Lakers (2003–2012) Cleveland Cavaliers (2012–2013)
Premios e galardóns
Como xogador: 2× Campión da NBA (2009, 2010) Como adestrador: 1× Campión da NBA (2015)
Información en nba.com

Luke Theodore Walton, nado o 28 de marzo de 1980 en San Diego (California) é un ex-xogador de baloncesto estadounidense que actualmente é o adestrador dos Los Angeles Lakers. É fillo do mítico xogador dos 80 Bill Walton. Mide 2,03 metros e xogaba de ala.

Traxectoria deportiva

Universidade

Walton xogou durante catro tempadas nos Wildcats da Universidade de Arizona. A súa mellor tempada foi a terceira, como júnior, que conseguiu unhas estatísticas de 15,7 puntos, 7,3 rebotes, 6,3 asistencias e 1,6 roubos de balón. se graduou en 2002.

Profesional

Foi elixido no Draft da NBA de 2003, no posto 32 da segunda rolda, por Los Angeles Lakers. Durante as súas tres primeiras tempadas, apenas dispuxo de minutos para demostrar a súa valía. Está considerado como un xogador dun enorme potencial de recursos técnicos, polivalente e áxil, e por fin na tempada 2006-07 conseguiu dispor de minutos e unha media de 11,6 puntos, 4,8 rebotes e 4,3 asistencias. Na tempada 2007/08 gañou co seu equipo as finais de conferencia fronte a San Antonio, aínda que perderon as finais fronte aos Boston Celtics.

Na tempada 2008/09, coa saída do equipo de Vladimir Radmanović, recuperou a titularidade, sumou máis minutos e colaborou en lograr o anel para a franquía de California.

O 15 de marzo de 2012, foi traspasado aos Cleveland Cavaliers xunto a unha elección de primeira rolda do Draft de 2012 a cambio de Ramon Sessions, Christian Eyenga.

Curiosidades

• No brazo dereito loce unha tatuaxe, the dancing skeletons, así rende tributo á mítica banda californiana: The Grateful Dead.
• O seu nome, aínda que haxa xente que pense que provén do personaxe de Star Wars Luke Skywalker xa que ao seu pai púñanlle a música da película cada vez que anotaba unha canastra, en realidade é unha homenaxe de Bill Walton ao seu amigo e compañeiro de equipo Maurice Lucas.
• A persoa que máis admira é a súa nai por coidar del e os seus irmáns.
• Goza escoitando a Grateful Dead, Bob Dylan e Rolling Stones.
• É fillo de Susie e Bill Walton.

Véxase tamén

Ligazóns externas

• Ficha en NBA.com (en inglés)
• Estatísticas de Luke Walton (en inglés)