Anadolu Efes S.K.
| Anadolu Efes | |
| |
| Información xeral | |
|---|---|
| Liga | BSL / Euroliga |
| Fundación | 1976 |
| Historia | Efes Pilsen (1976-2011) |
| Cores | Azul, branco, vermello |
| Presidente |  Tuncay Özilhan
|
| Adestrador | Alper Yılmaz
|
| Patrocinador | Anadolu Efes |
| Vestimenta | Nike |
| Localización | |
| Cidade | Istambul, Turquía
|
| Pavillón | Sinan Erdem Spor Salonu |
| Capacidade | 16.000 |
| Inauguración | 23 de abril de 2010 |
| Campionatos | |
| C. Korać | 1 (1996) |
| Liga | 13 (1979, 1983−1984, 1992−1994, 1996−1997, 2002−2005, 2009) |
| Copa | 11 (1994, 1996−1998, 2001−2002, 2006−2007, 2009, 2015, 2018) |
| Supercopa | 10 (1986, 1992−1993, 1996, 1998, 2000, 2006, 2009, 2010, 2015) |
| efesbasket.org | |
O Anadolu Efes Spor Kulübü (antes coñecido como Efes Pilsen) é un equipo de baloncesto da cidade de Istambul (Turquía) que por palmarés é considerado como un dos equipos máis importantes na historia do baloncesto turco, xa que gañou o título de liga en 13 ocasións. O pavillón no que xoga os seus partidos como local é o Sinan Erdem Spor Salonu, cunha capacidade para 16.000 espectadores.
Historia[editar | editar a fonte]
O club foi fundado no ano 1976 co nome de "Efes Pilsen Spor Kulübü" tras a compra dos dereitos do Kadıköyspor, equipo da Segunda División turca que contaba con numeroros problemas económicos.[1] Encabezados por Tuncay Özilhan, o corpo técnico do equipo estaría formado por Pano Natof na dirección xeral, Berna Sirmen na presidencia, Talat Öztoprak na administración e Faruk Akagün como adestrador. O seu primeiro patrocinador foi a cervexa Efes Pilsen, unha subsidiaría do Grupo Anadolu. En 1978, dous anos despois da súa fundación, o club gaña o título de campión da Segunda División turca, finalizando o campionato sen coñecer a derrota e ascendendo á máxima categoría do baloncesto turco, onde permanece desde aquela.
Na súa primeira tempada na elite (1978–79), o Efes Pilsen gaña o seu primeiro título de liga, situándose dende aquela como un dos equipos punteiros do baloncesto turco. Despois de finalizar como subcampións da Copa Saporta de 1993, o club gaña o seu primeiro título europeo en 1996, ano no que conseguen a Copa Korać tras vencer na final ao Stefanel Milano italiano. Este título supuxo o primeiro título continental para un club turco en calquera deporte. Posterioemte, o Efes Pilsen converteríase nun dos equipos fixos da Euroliga, sendo as súas mellores clasificación as acadadas en 2000 e 2001 ao acabar en terceiro lugar. En ambas ocasións perderían nas semifinais da Final Four ante o Panathinaikos grego, gañando posteriormente no partido polo terceiro lugar ao FC Barcelona (2000) e ao CSKA Moscova (2001).
Na ano 2006, o club converteuse no primeiro equipo turco convidado a xogar contra un equipo da NBA.[2] Os partidos foron contra os Denver Nuggets en Denver (Colorado) o 10 de outubro e contra os Golden State Warriors en Oakland (California) o 12 de outubro. Ambos encontros saldáronse con vitoria para os equipos estadounidenses. Ao ano seguinte sería un equipo da NBA o que visitaría a casa do Efes Pilsen. No encontro, disputado no Abdi İpekçi Arena, os Minnesota Timberwolves vencerían ao equipo local por 84–81. En 2011 o club vese obrigado a mudar ao seu nome a "Anadolu Efes Spor Kulübü" por mor da TAPDK, unha lei que prohibe o uso de publicidade de tabaco e alcol en equipos deportivos. Hose, o Anadolu Efes destaca pol oseu programa de canteira, do cal saíron coñecidos baloncestistas turcos como Hedo Türkoğlu, Mirsad Türkcan ou Cenk Akyol.
Xogadores[editar | editar a fonte]
Cadro actual[editar | editar a fonte]
| Anadolu Efes 2019–2020 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Xogadores | Adestradores | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Títulos[editar | editar a fonte]
Campeticións europeas[editar | editar a fonte]
- Terceiro lugar (2): 2000, 2001
- Subcampións (1): 1993
- Campións (1): 1996
Competicións domésticas[editar | editar a fonte]
- Campións (13): 1979, 1983, 1984, 1992, 1993, 1994, 1996, 1997, 2002, 2003, 2004, 2005, 2009 (récord)
- Subcampións (11): 1986, 1998, 1999, 2000, 2001, 2006, 2007, 2010, 2012, 2015, 2016
Copa de Turquía
- Campións (11): 1994, 1996, 1997, 1998, 2001, 2002, 2006, 2007, 2009, 2015, 2018 (récord)
- Subcampións (3): 2004, 2014, 2017
Supercopa de Turquía
- Campións (10): 1986, 1992, 1993, 1996, 1998, 2000, 2006, 2009, 2010 (récord)
- Subcampións (11): 1994, 1997, 1999, 2001, 2002, 2003, 2004, 2005, 2007, 2012, 2016
Partidos fronte equipos da NBA[editar | editar a fonte]
| 10 de outubro de 2006 | Denver Nuggets  |
118–102 | Efes Pilsen
|
 Pepsi Center, Denver
|
| 12 de outubro de 2006 | Golden State Warriors |
120–66 | Efes Pilsen
|
Oracle Arena, Oakland
|
| 6 de outubro de 2007 | Minnesota Timberwolves |
84–81 | Efes Pilsen
|
 Abdi İpekçi Arena, Istambul
|
Notas[editar | editar a fonte]
- ↑ "Tarihçe". efesbasket.org (en turco). Arquivado dende o orixinal o 29 de xuño de 2015. Consultado o 13 de setembro de 2015.
- ↑ "Turkish power Efes Pilsen no match for Warriors". ESPN (en inglés). 13 de outubro de 2006. Consultado o 13 de setembro de 2015.
