Jesús López Cobos
_(cropped).jpg)  | |
| Nome orixinal | (es) Jesús López-Cobos |
|---|---|
| Biografía | |
| Nacemento | 25 de febreiro de 1940 Toro, España |
| Morte | 2 de marzo de 2018 (78 anos) Berlín, Alemaña |
| Causa da morte | cancro |
| Lugar de sepultura | Toro |
| Educación | Universidade Complutense de Madrid Universidade de Música e Arte Dramática de Viena |
| Actividade | |
| Campo de traballo | Dirección de orquestra |
| Ocupación | director de orquestra, director musical |
| Xénero artístico | Música clásica |
| Profesores | Hans Swarowsky e Franco Ferrara |
| Selo discográfico | EMI Denon (pt)  Telarc International Corporation (en) Philips Philips Classics Records (pt) |
| Premios | |
     | |
Jesús López Cobos, nado en Toro (provincia de Zamora) o 25 de febreiro de 1940 e finado en Berlín o 2 de marzo de 2018, foi un director de orquestra español. Ao longo da súa traxectoria ten dirixido á maioría das grandes orquestras europeas e americanas
Traxectoria
[editar | editar a fonte]López Cobos estudou na Universidade Complutense de Madrid, onde se licenciou en Filosofía e Letras en 1964. Posteriormente interesouse na música, estudando dirección de orquestra con Franco Ferrara e Hans Swarowsky, e diplomándose en composición en 1966 no Conservatorio de Madrid. Foi galardoado nos Concursos de Besançon e Copenhaguen (Nikolai Malko)
Grazas a unha bolsa de estudos puido trasladarse a Nova York para ampliar os seus estudos musicais, debutando como director sinfónico en Praga e como director de ópera en Venecia en 1969. A partir dese momento conseguiu dirixir á maioría das orquestras sinfónicas e filharmónicas do mundo como director invitado. En 1971 foi invitado pola Deutsche Oper Berlin, que en 1981 o nomeou Director Xeral de Música. Durante os anos que permaneceu na capital alemá, ata 1990, levou as producións da Ópera Berlinesa a Washington e o Xapón, onde se ofreceu por primeira vez a Tetraloxía de Richard Wagner completa.
En 1975, López Cobos debutou nos Ánxeles e Londres coas súas respectivas orquestras filharmónicas, sendo durante seis anos o principal director invitado da London Filharmonic Orchestra, orquestra coa que realizou xiras polo Xapón e España.
Entre 1984 e 1988 Director da Orquestra Nacional de España, entre 1986 e 2000 Director da Cincinnati Symphony Orchestra (orquestra que o nomeou director musical emérito), e entre 1990 e 2000 director principal da Orchestre de Chambre de Lausanne. Dende 2003 ata 2010 foi o musical do Teatro Real de Madrid.
O mestre López Cobos foi o primeiro director español que subiu ao podio do Teatro alla Scala de Milán, da Royal Opera House (Covent Garden) de Londres, da Opéra national de Paris e da Metropolitan Opera de Nova York.
López Cobos é, xunto con Krzysztof Penderecki, director honorífico da Área Musical da Fundación Príncipe de Asturias.[1]
Discografía
[editar | editar a fonte]López Cobos ten gravado para selos como Philips, Decca, Virgin, Teldec, Telarc, Denon, Claves, Cascavelle etc. Salientan as gravacións realizadas coa Cincinnati Symphony Orchestra, coa que gravou en exclusiva para Telarc obras de Falla, Ravel, Bizet, Franck, Mahler, Respighi, Villa-Lobos ou Shostakovich entre outros, sendo nomeado a un Grammy en 2003. Tamén ten rexistrado o ciclo das sinfonías de Bruckner. Ten realizado gravacións para Denon dun ciclo de sinfonías de Haydn coa Orchestre de Chambre de Lausanne, así como unha serie de óperas de Rossini para o selo Teldec.
Recoñecementos
[editar | editar a fonte]Ao longo da súa traxectoria, López Cobos ten recibido numerosos galardóns pola súa labor:
- Dirixiu o concerto de clausura do Teatro Real como sala de concertos e os de inauguración do Auditorio Nacional de Música en 1988.
- En 1981 foille concedido o Premio Princesa de Asturias das Artes, sendo o primeiro director en recibir dito galardón.[2]
- Membro de Honra da Deutsche Oper Berlin.
- Cruz ao Mérito de Primeira Clase da República Federal Alemá, máxima condecoración civil outorgada polo goberno alemán, pola súa achega á cultura de Alemaña.
- Nomeado Doutor Honoris Causa das Artes pola University of Cincinnati.
- Medalla de Ouro ao Mérito nas Belas Artes do goberno español.
- O goberno francés concedeulle o título de Officier de l’Ordre des Arts et des Lettres.
Notas
[editar | editar a fonte]- ↑ Área musical da Fundación Príncipe de Asturias
- ↑ "Acta do Xurado". Arquivado dende o orixinal o 29 de setembro de 2007. Consultado o 13 de xullo de 2007.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Sitio web oficial (en inglés)
- Fundación Príncipe de Asturias, Premio Princesa de Asturias de las Artes 1981 Arquivado 31 de maio de 2020 en Wayback Machine. (en castelán)
