Tamara Rojo

Na Galipedia, a Wikipedia en galego.
Tamara Rojo
Tamara Rojo.jpg
Tamara Rojo en 2008
Nacemento 17 de maio de 1974
Lugar Montreal Flag of Canada.svg Canadá
Nacionalidade Española España
Alma máter Universidade Rey Juan Carlos
Ocupación Bailarina
Premios Premio Príncipe de Asturias das Artes, Commander of the Order of the British Empire e Officier des Arts et des Lettres‎
editar datos en Wikidata ]

Tamara Rojo, nada en Montreal (Canadá) o 17 de maio de 1974, é unha bailarina española de danza clásica. Dende o ano 2000 é a primeira bailarina do Royal Ballet de Londres.

Traxectoria[editar | editar a fonte]

Nada en Canadá en 1974, filla de pais españois, trasladouse con eles a España cando tiña tan só 4 meses. Comezou os seus estudos de danza no Centro de Danza Víctor Ullate de Madrid, onde permaneceu entre 1983 e 1991, e completando a súa formación con David Howard e Renatto Paroni. Tras formar parte da Compañía de Víctor Ullate entre 1991 e 1996, a súa carreira esperimentou un xiro internacional auspiciado por Galina Samsova, quen a convidou a bailar no Scottish Ballet (1996-1997). Con esta compañía interpretou, entre outras obras, O lago dos cisnes, O Cascanoces, Romeo e Julieta e La sylphide.

Alcanzou o estato de bailarina principal no English National Ballet (1997-2000), categoría coa que se incorporou no Royal Ballet de Londres, convidada por Sir Anthony Dowell en xullo de 2000.

Coa súa incorporación no Royal Ballet en 2000, Tamara Rojo, aos seus 25 anos, converteuse na primeira española en formar parte da compañía máis importante do Reino Unido e unha das máis prestixiosas do mundo. Foi ademais, a segunda artista máis nova na historia do ballet que ascende ao posto de primeira bailarina, despois de Maya Plisétskaya, que ascendeu a primeira bailarina aos 18 anos no Teatro Bolshoi.

Ten actuado, como artista invitada, co Ballet do Teatro La Scala de Milán, o Ballet da Ópera de Niza, o Arena de Verona, o Ballet Nacional de Cuba e o Ballet da Ópera de Berlín, e ten participado en numerosas galas de ámbito internacional. Dende os seus primeiros pasos profesionais, Tamara Rojo ten realizado papeis de múltiples matices, destacando as coreografías neoclásicas da escola holandesa e as de fondo significado e raíz hispánica de Ullate, como Volando hacia la luz e Concierto para Tres, ou as renovadas por Derek Deane como Romeo e Xulieta.

En 2001 foi nomeada embaixador ada Fundación Hans Christian Andersen de Dinamarca.

Dende setembro de 2012 Tamara Rojo e a directora do English National Ballet, cargo que ocupará ata 2017.[1]

Notas[editar | editar a fonte]

  1. EFE (14 de abril de 2012). "Tamara Rojo, nueva directora del English National Ballet". El Universal. Consultado o 16 de abril de 2012.