Ipatii Potii

Ipatii Potii

Biografía
Nacemento	12 de agosto de 1541 Różanka, Polonia
Morte	8 de xullo de 1613 (71 anos) Volodimir-Volinski, Ucraína (pt)
Lugar de sepultura	Cathedral of the Dormition, Volodymyr (en)
Arcebispo católico
26 de setembro de 1599 – ← Cyryl Terlecki – Yosyf Rutskyi → Diocese: Metrópole de Kíiv, Galicia e toda Rusia
Bispo diocesano
19 de outubro de 1596 – ← Joachim Morochowski Diocese: Eparquía católica ucraína de Volodymyr-Brest
4º Castellan of Brest (en)
2 de decembro de 1588 – 8 de marzo de 1593 (promotion (en) ) ← Krzysztof Zenowicz (en) – Grigorijus Vaina (en)  →
Q124289790
3 de novembro de 1582 (Xuliano) – 1593 (dimisión)
2º Q65725889
29 de abril de 1577 – 2 de decembro de 1588 (promotion (en) ) ← Q122584703 – Q67147054  →
1º Q65720465
30 de abril de 1565 – 29 de abril de 1577 (promotion (en) ) ← sen valor – Q67147054  →
Arcebispo metropolitano
Archimandrite of the Kiev-Piachersk Lavra (en)
Q1339318
Metropolitano de Kíiv
Datos persoais
Relixión	Cristianismo ortodoxo, Igrexa católica, Metrópole de Kíiv, Galicia e toda Rusia e Calvinismo
Educación	Universidade Iaguelónica de Cracovia
Actividade
Campo de traballo	Church‘s ministry (en) , Teologia da Igreja Ortodoxa Oriental (pt) e función pública
Lugar de traballo	Gran Ducado de Lituania
Ocupación	bispo católico (1593–), sacerdote católico (1593–), Pope, escritor, Eastern Orthodox monk (en) , teólogo
Consagración	Michał Rahoza
Familia
Familia	House of Pociej (en)
Cónxuxe	Anna, princess of Hołownia-Ostrożec (1561–1592), morte do cónxuxe
Fillos	Krzysztof Pociej, Q122702621, Q122748318, Piotr Pociej
Pais	Lew Patejewicz Tyszkowicz   e Hanna Lozchanka
Sinatura
Descrito pola fonte	Dicionario Enciclopédico Brockhaus e Efron Russian Biographical Dictionary (en) Obálky knih,

Ipatii Potii (en ucraíno: Іпатій Потій; en polaco: Hipacy Pociej; en belaruso: Іпацій Пацей), nado o 12 de agosto de 1541 en Różanka e finado o 8 de xullo de 1613 en Vlodymyr-Volynskyi, foi un eclesiástico grecocatólico ucraíno, escritor, polemista e teólogo, que tivo un importante papel na Unión de Brest e que foi metropolita de Kíiv e Galicia dende 1599 até a súa morte en 1613.

Traxectoria

Primeiros anos

Naceu o 12 de agosto de 1541 en Różanka, no voivodato de Lublin, no seo dunha familia nobre. A súa nai, logo de enviuvar arredor de 1550, casou co gobernador da rexión de Smolensk. O príncipe Mikołaj Radziwiłł encargouse da súa educación, e enviouno a unha escola calvinista e posteriormente á Universidade Iaguelónica de Cracovia. En 1566 comezou a traballar como xuíz en Brest, en 1572 pasou e ser secretario do rei Sexismundo II e posteriormente recadador de impostos, e en 1588 castelán de Brest. Foi tamén senador da Confederación Polaco-Lituana.

Aínda que na súa mocidade se convertera ao calvinismo, en 1573/1574 volveu á Igrexa Ortodoxa. No mesmo ano casou con Anna, dos duques de Hołowniów-Ostrożeckich, coa que tivo seis fillos.

Bispo de Volodymyr e Brest

Logo da morte da súa dona en 1592, Potii decidiu ingresar na vida relixiosa e converteuse en monxe, tomando o nome relixioso de Ipatii. En 1593 foi nomeado bispo de Volodymyr e Brest, e foi consagrado bispo o 6 de xuño de 1593 polo metropolita de Kíiv Michal Rahoza.

Ipatii Potii tivo un papel especialmente importante na Unión de Brest, pola que a metrópole ortodoxa de Kíiv (a igrexa ucraína) deixou de estar baixo a xurisdición da Igrexa Ortodoxa de Constantinopla para entrar en comuñón coa Igrexa Católica e situarse baixo xurisdición papal, formando o que hoxe é a Igrexa Católica Ucraína. Viaxou a Roma xunto co bispo de Lutsk Cyril Terlecki, para entregarlle ao papa Clemente VII a petición de unión asinada polos bispos da metrópole en Brest o 12 de xuño de 1595. Chegaron a Roma o 25 de novembro de 1595, e obtiveron a aprobación do papa á unión, podendo manter o rito bizantino e o resto de prácticas litúrxicas. Volveron a Lutsk en marzo de 1596.

Metropolita de Kíiv

Logo da morte de Rahoza, Ipatii Potii foi nomeado metropolita de Kíiv en agosto de 1599 polo rei Sexismundo III, e confirmado polo papa Clemente VIII o 15 de novembro de 1600. Foi tamén nomeado arquimandrita do mosteiro das Covas de Kíiv, mais a oposición ortodoxa levouno a renunciar en 1605. En 1601 fundou un seminario, e o 3 de marzo de 1605 foi formalmente recoñecido como o único metropolita de rito bizantino da Confederación Polaco-Lituana.

O 11 de xullo de 1609 algúns ortodoxos atentaron contra a súa vida, mais sen éxito. Traballou tamén para reestruturar a Orde de San Basilio Magno. Finou o 18 de xullo de 1613 en Volodymyr-Volynskyi, e enterrado na catedral da mesma cidade.

Véxase tamén

Bibliografía

• Volodymyr Kubiiovych, Danylo Huzar-Struk, ed. (1993). Encyclopedia of Ukraine (en inglés) 4. University of Toronto Press. p. 171. ISBN 9780802030092. Potii, Ipatii 
• Likowski, Edward (1907). Unia brzeska (r. 1596.) (en polaco). Skład Główny w Księgarni Gebethnera i Wollfa. 
• Подокшин, Семён Александрович (2001). Іпацій Пацей : царкоўны дзеяч, мысліцель, пісьменнік на пераломе культурна-гістарычных эпох (en belaruso). Minsk: Беларуская навука. ISBN 9789850803931. 
• Назарко, Іриней-Іван Іванович (1962). Київські і Галицькі митрополити: біографічні нариси (1590-1960). Analecta OSBM. Serie 2. Sectio 1. Roma. OCLC 54007358. 

Ligazóns externas

• Potii, Ipatii - Artigo en Internet Encyclopedia of Ukraine (en inglés)

Dignidades da Igrexa católica
Predecesor: (Unión de Brest)	Bispo de Volodymyr e Brest  1596 - 1613	Sucesor: Yoakym Morokhovskyi
Predecesor: Michal Rahoza	Metropolita de Kíiv, Galicia e toda a Rus  1599 - 1613	Sucesor: Yosyf Rutskyi