Arquieparquía maior de Kíiv-Galicia

Na Galipedia, a Wikipedia en galego.
Este artigo trata sobre a sé da Igrexa católica bizantina ucraína. Para outras páxinas con títulos homónimos véxase: Diocese de Kíiv.
Modelo:Xeografía políticaArquieparquía maior de Kíiv-Galicia
Localización
lang=gl Editar o valor em Wikidata Mapa
 50°30′N 30°30′L / 50.5, 30.5Coordenadas: 50°30′N 30°30′L / 50.5, 30.5
Poboación
Lingua usadalingua ucraína Editar o valor em Wikidata
Relixióncatolicismo Editar o valor em Wikidata
Xeografía
Parte de
CatedralPatriarchal Cathedral of the Resurrection of Christ (en) Traducir Editar o valor em Wikidata
Páxina webkyiv.ugcc.org.ua Editar o valor em Wikidata

A arquieparquía maior de Kíiv-Galicia é a única arquieparquía maior e sé da Igrexa católica bizantina ucraína, sendo o arcebispo maior actual .

Xurisdición territorial[editar | editar a fonte]

O arcebispo maior de Kíiv-Galicia ten xurisdición patriarcal ordinaria sobre todas as dioceses da Igrexa católica bizantina ucraína, dun xeito similar á xurisdición que ten o papa sobre a Igrexa latina, mais non sobre a totalidade da Igrexa católica.[1] O arcebispo maior é tamén o metropolita da arquieparquía de Kíiv, sé propia del. Ademais, ten o título de bispo de Kamianets dos Ucraínos.

Das eparquías ucraínas, dependen directamente do arcebispo maior de Kíiv-Galicia os exarcados arquiepiscopais de Khárkiv, Crimea, Donetsk,[2] Odesa[3] e Lutsk[4].

Historia[editar | editar a fonte]

A provincia eclesiástica existe dende o século X, cando foi estabelecida a metrópole polo patriarca de Constantinopla antes do Gran Cisma de Oriente, logo da conversión do gran duque de Kíiv san Vladimiro o Grande no ano 988.

Logo da invasión mongol que devastou Kíiv no século XIII, en 1303 creouse unha segunda metrópole en Galicia, grazas aos esforzos do rei León I de Galicia e do seu fillo Xurxo. Existiu durante a maior parte do século XIV, mais estivo vacante dende 1401 xa que o metropolitano de Kíiv tomou o título.

Durante o século XV os metropolitanos traballaron conxuntamente co patriarca de Constantinopla para tentar restabelecer a unidade cristiá e en 1439 participaron na Unión de Florencia. En 1596 a Metrópole entrou na Unión de Brest, restabelecendo a plena comuñón coa Santa Sé, aínda que isto lle supuxo unha profunda división interna.

Logo das particións de Polonia a finais do século XVIII, a maior parte do territorio ruteno (as actuais Ucraína e Belarús) quedou baixo dominio ruso, onde a Igrexa católica Bizantina foi gradualmente suprimida en 1839. Porén, a Igrexa sobreviviu na Galicia baixo dominio austríaco, onde a metrópole de Galicia foi restabelecida, coa prerrogativa de administrar a sé vacante de Kíiv, en base á eparquía de Lviv, estabelecida polo papa Pío VII en 1807.

En 1939 Galicia caeu baixo dominio soviético, e en 1946 a estrutura eclesial local foi sometida á Igrexa ortodoxa rusa. En 1963 o metropolitano, residindo en Roma, foi elevado ao rango de arcebispo maior, con dereitos equivalentes aos de patriarca, mais sen nomealo como tal para non provocar represións contra a Igrexa clandestina en Ucraína e non complicar as relación ecuménicas co patriarcado ecuménico de Constantinopla.[5]

Episcopoloxio[editar | editar a fonte]

Metropolitas de Kíiv[editar | editar a fonte]

Coa Unión de Brest, a metrópole de Kíiv, Galicia e toda a Rus rompeu relacións coa Igrexa ortodoxa de Constantinopla e entrou en comuñón coa Igrexa católica, creando o que hoxe é a Igrexa católica bizantina ucraína. Dende ese momento, os metropolitas de Kíiv foron os seguintes:

En 1807 a Igrexa católica ucraína foi dividida en dous para separar os territorios baixo o Imperio Ruso (Metrópole de Kíiv) dos gobernados pola monarquía dos Habsburgo, elevando á eparquía de Lviv ao rango de metrópole e dándolle os mesmos dereitos que a de Kíiv.

Os metropolitas de Kíiv entre 1807 e 1838 foron os seguintes:

Logo do Sínodo de Polatsk (1838) a Igrexa católica bizantina foi abolida forzosamente no territorio do Imperio Ruso, e as súas propiedades e o seu clero transferidos á Igrexa ortodoxa rusa.

Metropolitas de Lviv[editar | editar a fonte]

Ao mesmo tempo, os metropolitas de Lviv foron os seguintes:

Arcebispos maiores de Lviv[editar | editar a fonte]

Na década de 1960 o cardeal Yosyf Slipyi, metropolita de Lviv, pediu a elevación da sé ao rango de patriarcado. O papa Paulo VI respondeu elevándoa en 1963 ao rango de arcebispado maior, o que dáballe a mesma autonomía que as igrexas patriarcais, aínda que sen o título.

Arcebispos maiores de Kíiv-Galicia[editar | editar a fonte]

En 2005 uníronse novamente as metrópoles de Kíiv e Lviv, e a sé foi transferida dende Lviv a Kíiv, tomando dende entón os primados o título actual.

Notas e referencias[editar | editar a fonte]

  1. ↑ Matthew Bunson (2008). 2009 Catholic Almanac. p. 274. ISBN 9781592764419. 
  2. ↑ Ukrainian Archiepiscopal Exarchate of Donets’k–Kharkiv
  3. ↑ Ukrainian Archiepiscopal Exarchate of Odessa–Krym
  4. ↑ Ukrainian Archiepiscopal Exarchate of Lutsk
  5. ↑ VARIOS (2011). University of Ottawa Press, ed. Vatican II: Experiences Canadiennes - Canadian Experiences. p. 249. ISBN 9782760307636. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Arquieparquía_maior_de_Kíiv-Galicia&oldid=6711650»