Yosyf Bolharynovych

Na Galipedia, a Wikipedia en galego.
Saltar ata a navegación Saltar á procura
Йосиф Болгаринович
(Yosyf Bolharynovych)
Metropolita da Igrexa ortodoxa de Constantinopla, en comuñón coa Igrexa católica
Biografía
Pasamento1501 en Kiev
Metropolita de Kiev, Galicia e toda a Rus
1499 - 1501
PredecesorMakarii Cherta
SucesorYona II

Yosyf Bolharynovych (en ucraíno: Йосиф Болгаринович; en polaco: Józef Bułharynowicz), finado en 1501 en Kiev, foi metropolita de Kiev, Galicia e toda a Rus entre 1499 e 1501, o último dos que aceptaron a Unión de Florencia.

Traxectoria[editar | editar a fonte]

Era arquimandrita do mosteiro da Santa Trindade de Sluck, e en 1494 foi elixido bispo de Smolensk.[1] Partidario da unión con Roma, en 1498 tentou obter o apoio do patriarca ecuménico Nifón II ao seu proxecto; o patriarca respondeulle cunha carta na que aprobaba as súas intencións mentres mantiveran o rito bizantino e a comuñón simultánea con Roma e Constantinopla.[2]

En 1499 foi elixido metropolita de Kiev, Galicia e toda a Rus.[1] Isto foi aceptado polo patriarca Xoaquín I.[2] En 1500 tentou convencer, sen éxito, á princesa Helena de Moscova, a esposa do gran duque de Lituania Alexandre I de que se unira á Igrexa católica,[1][3] e o 20 de agosto asinou en Vilnius a acta de unión;[2] no mesmo ano intercambiou correspondencia co papa Alexandre VI confirmando a Unión de Florencia.[1][4] Foi o último metropolita en comuñón coa Igrexa católica até a Unión de Brest,[5] xa que logo do seu pasamento a raíña Helena asegurou o nomeamento como metropolita do seu capelán Yona, contrario á unión.[4] Finou a mediados ou finais de 1501.[1]

Notas[editar | editar a fonte]

  1. 1,0 1,1 1,2 1,3 1,4 Blazejowskyj, Dmytro (1990). Hierarchy of the Kyivan Church (861-1990). Roma: Editiones Universitatis Catholicae Ucrainorum S. Clementi Papae. p. 181. OCLC 22834909. 
  2. 2,0 2,1 2,2 Hryniewicz, Wacław (2007). "The Florentine Union: Reception and Rejection". The Challenge of Our Hope: Christian Faith in Dialogue (en inglés). CRVP. pp. 210–211. ISBN 9781565182370. 
  3. Fennell, John Lister Illingworth (1962). Ivan the Great of Moscow (en inglés). Macmillan. p. 212. 
  4. 4,0 4,1 Minnich, Nelson H. (2013). "The closing of the Fifth Lateran Council (1512-17)". Annuarium Historiae Conciliorum (en inglés) 45: 36. ISSN 0003-5157. 
  5. Wojnar, Meletius M. (2002). "Ukrainian Catholic Church (Eastern Catholic)". New Catholic Encyclopedia (en inglés) 14 (2 ed.). Thomson/Gale. p. 278. ISBN 9780787640187. [...] relations with Rome were terminated from the time of Metropolitan of Kiev, Joseph Bolharynovych (1501).