Saltar ao contido

Irynei-Ivan Ivanovych Nazarko

Na Galipedia, a Wikipedia en galego.
Modelo:BiografíaIrynei-Ivan Ivanovych Nazarko
Biografía
Nacemento7 de xullo de 1905 Editar o valor en Wikidata
Tovstoluh Editar o valor en Wikidata
Morte20 de abril de 1976 Editar o valor en Wikidata (70 anos)
Ottawa Editar o valor en Wikidata
RelixiónIgrexa católica Editar o valor en Wikidata
Actividade
Campo de traballoMinisterio eclesiástico, historia do cristianismo, pedagoxía e filosofía Editar o valor en Wikidata
Ocupaciónhistoriador, xornalista de opinión, profesor universitario, historiador da igrexa, Q137342812 Traducir Editar o valor en Wikidata
EmpregadorUniversidade de Montreal Editar o valor en Wikidata
Membro de
Orde relixiosaOrde de San Basilio Magno Editar o valor en Wikidata
Find a Grave: 148800557 Editar o valor en Wikidata

Irynei-Ivan Ivanovych Nazarko (en ucraíno: Іриней-Іван Іванович Назарко), nado o 7 de xullo de 1905 en Tovstoluh (hoxe Ucraína) e finado en Ottawa o 20 de abril de 1976, foi un sacerdote grecocatólico ucraíno, académico e teólogo. Foi membro da Sociedade Científica Shevchenko dende 1954, e membro da Academia Libre Ucraína das Ciencias, da Sociedade Académica Teolóxica Ucraína e da Sociedade Histórica Ucraína.

Traxectoria

[editar | editar a fonte]

Naceu o 7 de xullo de 1905 en Tovstoluh (hoxe Ucraína).[1] Logo de graduarse no ximnasio en Ternopil, entrou no mosteiro de Krekhiv da Orde de San Basilio Magno,[1] e posteriormente graduouse polo seminario de Krystynopil.

O 30 de novembro de 1930 foi ordenado sacerdote,[1] e continuou os seus estudos en Viena e Innsbruck. Foi organizador (1932) da Sociedade Mariana de Lviv, e editor das súas publicacións.[1]

Entre 1941 e 1944 foi abade da Igrexa de San Onofrio de Lviv.[1]

Entre 1946 e 1948 viviu en Alemaña, e en 1948 emigrou ao Canadá.[1] Alí doutorouse en Filosofía na Universidade de Ottawa,[1] e posteriormente foi profesor de Historia da Igrexa nas universidades de Montreal e Ottawa.[1]

En 1953 trasladouse a Roma, onde formou parte da Curia Xeral da súa orde até 1963.[1] Entre 1954 e 1967 foi editor dos Analecta OSBM, e entre 1955 e 1967 reitor do Pontificio Colexio Ucraíno.[1] En 1967 volveu ao Canadá, onde foi párroco en Ontario até 1974, e asistente espiritual para os basilianos na Universidade Católica de Ottawa.[1]

Obra

[editar | editar a fonte]
  • Клим Смолятич і його послання [Klym Smoliatych e a súa mensaxe]. 1952. 
  • Святий Володимир Великий [San Vladimiro o Grande]. 1954. 
  • Папа Іннокентій ХІ і Україна [O papa Inocencio XI e Ucraína]. 1957. 
  • Київські і Галицькі Митрополити [Metropolitas de Kiev e Galicia]. 1962. 
  • Роля козаків під Віднем [O papel dos cosacos arredor de Viena]. 1969. 

Notas

[editar | editar a fonte]
  1. 1 2 3 4 5 6 7 8 9 10 11 Volodymyr Kubiiovych, Danylo Huzar-Struk, ed. (1993). Encyclopedia of Ukraine (en inglés) 3. University of Toronto Press. p. 569. ISBN 9780802033628. Nazarko, Irynei
Obtido de «https://gl.wikipedia.org/w/index.php?title=Irynei-Ivan_Ivanovych_Nazarko&oldid=7249072»