Accidente de Monteagudo

Na Galipedia, a Wikipedia en galego.
Saltar ata a navegación Saltar á procura

Coordenadas: 41°51′36″N 07°52′15″O / 41.86000, -7.87083

O accidente de Monteagudo foi un accidente de aviación que tivo lugar o 22 de febreiro de 1944 no concello de Calvos de Randín.

Accidente[editar | editar a fonte]

O feito tivo lugar no marco da segunda guerra mundial, tres meses antes do Día D. Unha aeronave británica, posiblemente un DC-47, transportaba artillería desde Xibraltar cara a Londres. Na nave ían dous homes ingleses, J. W. Srimpeon e George Benjamin Gantt, e catro canadenses, James Douglas Morgan, Alexander Staliker, J. J. Williams e A. J. Gregg. O piloto, que saíra despedido enganchado ao asento, foi parar a unhas matogueiras próximas. Morreron tódolos pasaxeiros.

O suceso tivo lugar ás 4 da mañá. Logo de rozar un monte no concello de Montalegre, aínda en territorio portugués, chocou contra o curuto de Monteagudo, preto dos lugares de Vilar e Vilariño, na parroquia de Randín, a 40 metros da fronteira co país luso. Logo do segundo impacto, arrastrouse 800 m pola ladeira norte, deixando un rastro de lume. Explotaron os tambores de balas e os explosivos que levaba a aeronave, manténdose o incendio durante seis horas.

Véxase tamén[editar | editar a fonte]

Ligazóns externas[editar | editar a fonte]