Tenzin Gyatso
Jetsun Jamphel Ngawang Lobsang Yeshe Tenzin Gyatso, ou Tenzin Gyatso, nado o 6 de xullo de 1935 na localidade chinesa de Taktser, provincia de Qinghai, é un líder político e relixioso do Tibet. O 17 de novembro de 1950 foi coroado en Lhassa como 14º Dalai Lama, sendo proclamado dirixente político do Tíbet e líder espiritual do lamaísmo, ou budismo tibetano. Entón o seu nome de nacemento, Lhamo Dondrub, foi trocado polo actual.
En 1959 tivo que fuxir do Tibet cruzando a pe o Himalaia para entrar na India, acompañado doutros 80.000 tibetanos, e declarou o goberno no exilio. En 1963 publicou unha constitución baseada na Declaración Universal dos Dereitos Humanos, e creou na localidade india de Dharamsala unha "capital no exilio".
En 1989 recibiu o Premio Nobel da Paz pola súa resistencia constante ó uso da violencia na loita da súa xente para recuperar a liberdade. En marzo de 2011 anunciou a súa renuncia a tódolos cargos políticos do goberno no exilio.[1]
Notas [editar]
- ↑ El Dalai Lama renunciará al poder político, artigo de El País. (en castelán)
