Klas Pontus Arnoldson

Na Galipedia, a Wikipedia en galego.
Klas Pontus Arnoldson

Klas Pontus Arnoldson, nado en Gotemburgo o 27 de outubro de 1844, finado en Estocolmo o 20 de febreiro de 1916, foi un político, xornalista e pacifista sueco, galardoado co premio Nobel da Paz en 1908.

Tras traballar durante dez anos nos ferrocarrís suecos, foi electo membro do Parlamento (Riksdag). Ao longo do seu mandato (1882-1887) traballou por lograr unha neutralidade permanente nos países escandinavos.

En 1883 fundou a Sociedade Sueca pola Paz e a Arbitraxe, onde ocupou o cargo de secretario durante varios anos. Debido a isto, así tamén pola súa participación nos esforzos para evitar a guerra con Noruega en 1905, compartiu en 1908 o premio Nobel da Paz co danés Fredrik Bajer.

En 1900 escribiu A esperanza dos séculos en relación cos adiantos obtidos a favor da paz.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Klas Pontus Arnoldson Modificar a ligazón no Wikidata