Sveriges Television

Na Galipedia, a Wikipedia en galego.
Sveriges Television
Sveriges Television, 1.jpg
Inicio das emisións 1956 (como SVT en 1979)
Propiedade de Förvaltningsstiftelsen för Sveriges Radio AB
Lars Engqvist (presidente do Consello)
Eva Hamilton (Directora executiva)
Slogan Fri Television
(Televisión libre)
País Suecia Suecia
Lingua sueco
Área de emisión Suecia Suecia
Europa, Oriente Medio, África, Asia e Oceanía a través de SVT World
Sede central Estocolmo, Suecia Suecia
Páxina web http://www.svt.se/

Sveriges Television (abreviado, SVT; en galego, "Televisión de Suecia") é a empresa de televisión pública de Suecia. A empresa, separada desde 1979 de Sveriges Radio (compañía pública de radio), non é estatal, senón que está dirixida por unha fundación independente, a Förvaltningsstiftelsen för Sveriges Radio AB, na que os membros do seu Consello de Administración son elixidos polo Parlamento Sueco.

A SVT mantivo o monopolio da televisión en Suecia ata a chegada das emisoras privadas vía satélite en 1987 e a posterior entrada analóxica da cadea privada TV4 en 1992.

A SVT é membro da Unión Europea de Radiodifusión, aínda que o ingreso como un dos 23 membros fundadores corresponde a Sveriges Radio, xa que ambas actúan por separado.

Historia[editar | editar a fonte]

A base da cadea de televisión está na emisora de radio Sveriges Radio (nos seus inicios, Radiotjänst), organismo creado en 1925.

Radiotjänst comezou a facer probas do sinal de televisión en 1954 desde a Universidade Tecnolóxica Real de Estocolmo, e a cadea de televisión comezou en periodo de probas desde o 4 de setembro de 1956 como Radiotjänst TV. Estableceuse posteriormente que dita cadea financiaríase a través dun canon televisivo, do mesmo xeito que o servizo de radio. En 1957, momento no que comezaron as emisións regulares da cadea de televisión, Radiotjänst pasou a chamarse Sveriges Radio (SR). Un ano despois iniciaríanse os servizos informativos (Aktuellt)

En 1966 comezaron a emitir en cor (de forma continua en 1970) e a súa segunda cadea de televisión nacería o 5 de decembro de 1969. A intención da creación da segunda cadea era fomentar unha competencia entre ambas cadeas, que pasarían a chamarse TV1 e TV2. Tamén nacerían as desconexións rexionais a comezos dos anos 70.

En 1979 Sveriges Radio sufriu unha importante remodelación. Pasaría a haber unha empresa, Sveriges Radio AB, que aglutinase 4 compañías: Sveriges Radio (SR, Radio nacional), Sveriges Lokalradio (LRAB, radio local; máis tarde fusionaríase con SR), Sveriges Utbildningsradio (UR, televisión educacional), e Sveriges Television (SVT, televisión). Desde ese momento, a SVT iría por separado dentro de una mesma compañía.

Durante os anos 80 produciuse outra reestruturación das cadeas: TV1, unha televisión centralizada na sede de Estocolmo, e TV2 con desconexións territoriais, con ambas cadeas competindo entre si. En 1988 a cadea pasaría a emitir por completo en Stereo, e tamén lanzaría unha cadea vía satélite chamado TV4 (actualmente, SVT Europa), que nun principio emitiría só para o Sur de Finlandia pero que co aumento da súa cobertura en 1997 converteríase na cadea europea de SVT.

Ese período tamén supuxo para a SVT a perda da súa monopolio televisivo. Primeiro coa aparición das cadeas privadas que só podían emitir vía satélite (como TV3 en 1987), e posteriormente o monopolio en analóxico, coa concesión de licenza analóxica en 1992 para a cadea privada xa existente en satélite TV4.

En 1994 a cadea pasou a estar controlada por unha Fundación cuxo obxectivo é "garantir a independencia dos organismos públicos de radiodifusión"[1] produciuse unha nova reestruturación na que as dúas cadeas deixarían de competir entre si, e pasaban a chamarse SVT 1 e SVT 2.

En 1999 comezaron as probas de emisión de cadeas en Televisión Dixital Terrestre, lanzando varias cadeas rexionais e o especializado en informativos SVT24. En 2001 prodúcese unha remodelación completa na organización, que ata cambia de logo, e que levou a unha reorganización importante na que SVT1 pasaría a ser a cadea xeneralista e SVT2 dedicaríase a unha audiencia máis xuvenil.

Sveriges Television comezou os seus servizos de vídeo baixo demanda en Internet en 2006, a emisión dunha cadea en alta definición chamado SVT HD, e desde 2005 levou a cabo a transición do analóxico ao dixital, completada en 2007. En 2008 cambiou os logotipos de SVT1, SVT2 e Barnkanalen que pasou a chamarse SVTB.

Organización[editar | editar a fonte]

Desde 1994 a SVT é dirixida por unha Fundación cuxo obxectivo é tratar de garantir a independencia dos medios públicos.

A Fundación propietaria, dirixida por un Directorio de 11 membros nomeados polo Goberno a partir de propostas dos grupos políticos, non pode incidir na Organización, Financiamento, Oferta de programas ou orientación, que recae na Dirección de programas e Dirección Executiva. Ademais, a elección do presidente da Fundación non se realiza inmediatamente logo de celebrarse as eleccións, senón que se ten que esperar un ano ao término das mesmas. O cargo de Presidente dura 4 anos e o dos membros do Consello 8 anos.

Financiamento[editar | editar a fonte]

Os suecos deben pagar un canon polo mantemento dos servizos públicos de radiodifusión que se reparte entre as empresas Sveriges Television, Sveriges Radio e Sveriges Utbildningsradio (aínda que o goberno pode variar as cotas que perciban). O diñeiro do canon, aproximadamente 2000 coroas suecas, págase a través dunha conta do Banco de Suecia, e é cobrada pola empresa Radiotjänst i Kiruna AB.

SVT ten prohibida a emisión de publicidade nos seus espazos, polo que o canon é a súa principal fonte de financiamento.

Cadeas[editar | editar a fonte]

Cartel de benvida a SVT nun corredor das oficinas.

Sveriges Television encárgase das seguintes cadeas:

  • SVT 1
  • SVT 2
  • SVT Barnkanalen: Anteriormente coñecido como SVTB. Cadea dedicada especialmente á infancia. Emite de 7 a 19.
  • Kunskapskanalen: Cadea dedicada á cultura e á ciencia, levado conxuntamente por Sveriges Television e Sveriges Utbildningsradio.
  • SVT24: Cadea dedicada as 24 horas á información e noticias. Ademais ofrece programas de debate e entrevistas.
  • SVT1 HD: Simulcast en HD de SVT1 no que se emiten os programas de SVT1 en alta definición. Substituíu a SVT HD o 20 de setembro de 2010.
  • SVT1 HD: Simulcast en HD de SVT2 no que se emiten os programas de SVT2 en alta definición.

Ademais destas cadeas, Sveriges Television leva varios rexionais e ten unha versión internacional chamada SVT World, que emite o mellor da produción propia das cadeas de SVT para o resto do mundo a través dos satélites Eurobird (toda Europa e Oriente Medio) e Thaicom (gran parte de África, Asia e Oceanía). Tamén emiten vía satélite (bastante estendido a raíz das cadeas privadas) por Viasat, e a través do cable. Tamén existe unha plataforma de internet (SVT Play) no que se poden ver os programas de SVT continuamente.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Sveriges Television Modificar a ligazón no Wikidata