Daniel Ortega
Na Galipedia, a wikipedia en galego.
José Daniel Ortega Saavedra (La Libertad, Chontales, 11 de novembro de 1945) é un ex-guerrilleiro e político nicaragüense. Presidene electo de Nicaragua.
Daniel Ortega foi un dos comandantes da guerrilla do Fronte Sandinista de Liberación Nacional (FSLN), organización que vai combater a ditadura de Anastasio Somoza Debayle até que o 19 de xullo de 1979 conseguiu derrotala militarmente (Revolución Sandinista) instaurando un goberno de unidade nacional que vai tomar o nome de Xunta de Reconstrucción Nacional (goberno do que forma parte Ortega) no que, ademáis dos sandinistas, estaban representados as principais formacións contrarias á ditadura.
Desfeito o goberno de unidade por diferenzas internas, Ortega foi escollido presidente de Nicaragua en 1984. O seu goberno, de orientación claramente progresista, conseguiu mellorar a calidade de vida da poboación pero vai ter que facer fronte á insurrección armada das forzas de contrarevolucionarios de dereitas, instruidas pola CIA e financiadas polo Goberno dos Estados Unidos.
Nas eleccións presidenciais de 1990 Ortega foi derrotado por unha escasa marxe de votos, debido a unha alianza de 14 partidos políticos antisandinistas liderados por [[Violeta Chamorro],] e Ortega ten que abandonar a presidencia.
Dezasete anos despois nas eleccións do 5 de novembro de 2006, Daniel Ortega foi novamente escollido presidente, malia as ameazas vertidas polos EEUU durante a campaña electoral.
