Plan Marshall

Un dos numerosos carteis creados para promocionar o Plan Marshall en Europa. A bandeira que está entre as de Alemaña e Italia é a de Trieste.

O Plan Marshall, oficialmente Programa de Recuperación Europea foi un conxunto de medidas económicas ideadas polo xeneral estadounidense George Marshall, para a reconstrución de Europa despois da Segunda Guerra Mundial.

Situación despois da Guerra

Despois da Segunda Guerra Mundial as economías europeas quedaron gravemente resentidas polos esforzos da contenda e os destrozos que esta provocou. Consolidándose Estados Unidos, como líder económico mundial, xa que a guerra so tocou o seu territorio en moi poucas ocasións. Os principais compradores da súa produción eran os países europeos, pero ante a mala situación das súas economías os expertos deduciron que so poderían seguir pagando as compras durante pouco máis dun ano. EE.UU dispuña dun exceso de capitais e produtos enorme, e a situación parecíase demasiado á crise dos anos vinte. Isto sumado ó progresivo triunfo do comunismo nos países do leste, que lle restaba liderado aos EE.UU, obrigounos a actuar en Europa occidental.

O plan

Anunciado en xuño de 1947 e aprobado na primavera de 1948, tiña como obxectivo dar axuda selectiva á recuperación da produción, sen provocar aumentos de inflación e malestar político. Estados Unidos asegurábase un mercado solvente para as súas exportación e a implantación do seu sistema económico.

Axuda financeira recibida

País	1948/49 ($ millóns de dólares)	1949/50 ($ millóns de dólares )	1950/51 ($ millóns de dólares )	Acumulado ($ millóns de dólares )
Austria	232	166	70	468
Bélxica e Luxemburgo	195	222	360	777
Dinamarca	103	87	195	385
Francia	1085	691	520	2296
Alemaña	510	438	500	1448
Grecia	175	156	45	366
Islandia	6	22	15	43
Irlanda	88	45	0	133
Italia	594	405	205	1204
Países Baixos	471	302	355	1128
Noruega	82	90	200	372
Portugal	0	0	70	70
Suecia	39	48	260	347
Suíza	0	0	250	250
Turquía	28	59	50	137
Reino Unido	1316	921	1060	3297

Guerra fría