Saint George's

Saint George's

St. George's (en)
Epónimo	Xurxo de Capadocia
Localización
12°03′09″N 61°45′11″O
Reinos da Commonwealth	Granada, Caribe
Paróquia (pt)	Saint George
Capital de	Granada, Caribe British Windward Islands (en) People's Revolutionary Government Saint George
Poboación
Poboación	33.734 (2025)
Lingua oficial	lingua inglesa Crioulo inglês de Granada (pt)
Xeografía
Bañado por	Mar Caribe
Altitude	30 m
Creación	1650
Identificador descritivo
Fuso horario	UTC−04:00
Prefixo telefónico	473
Outro
Irmandado con	Hackney

Vista xeral de St. George's

Saint George's é a capital do pequeno estado insular de Granada, no mar Caribe. A súa poboación era de 4.318 habitantes en 2006, que contando cos do conxunto da aglomeración urbana alcanza máis de 33.000 habitantes.

Xeografía

A capital, con porto sobre o mar, está arrodeada por terra dun outeiro, que forma parte do cráter dun antigo volcán. Ademais do porto marítimo, as comunicacións internacionais están servidas por medio do Aeroporto Pointe Salines.

A súa economía, en boa medida baseada no turismo, ten como outro dos piares a exportación de produtos tropicais: cacao, noz moscada e unha especia derivada desta última, o macis.

Historia

St. George's foi fundada por franceses en 1650. Logo da retirada de Bridgetown, en Barbados, a mediados da década de 1880, St. George's tornouse a capital da colonia británica das Illas de Barlovento (en inglés Windward Islands).

No ano 2004, St. George's, e o resto de Granada, ficaron severamente damnificadas a consecuencia do paso do Furacán Iván. A axuda internacional, no ano seguinte, contribuíu a paliar os efectos e realizáronse traballos de reconstrución axeitados.

Patrimonio

• Fort George, baluarte obra dos franceses, de 1705.
• Catedral católica, edificada en 1818.
• Igrexa anglicana, construída en 1825.
• Museo Nacional de Granada.
• Edificio do Parlamento, tamén coñecido como York House, que acolle as dúas cámaras de repreesntantes e máis o Tribunal Supremo (Supreme Court).
• O pazo do Gobernador Xeral.
• O complexo fortificado de Fort Frederick.
• O mercado de St. Georg's.
• A praia de Grande Anse, con centros comerciais e hoteis nas proximidades.
• O estadio de Queen's Park, que acolleu a copa mundial de crícket do 2007.

Véxase tamén

Ligazóns externas

• (en inglés) Imaxes de St. George's