Provincia de Soria

Provincia de Soria

Localización
41°40′N 2°40′O
Estado	España
Comunidade autónoma	Castela e León
Capital	Soria
Concello	183
Poboación
Poboación	88.747 (2021) (8,61 hab./km²)
Xeografía
Superficie	10.303 km²
Punto máis alto	Moncayo (2.313 m)
Punto máis baixo	Río Jalón (750 m)
Comparte fronteira con	provincia de Guadalaxara provincia de Burgos Q31844097 Provincia de Zaragoza provincia de Segovia
Datos históricos
Precedido por	Provincia de Calatayud
Organización política
Órgano executivo	Diputación Provincial de Soria
Identificador descritivo
Código postal	42
Fuso horario	UTC+01:00
ISO 3166-2	ES-SO
Código NUTS	ES417
Código INE	42
Páxina web	dipsoria.org

A provincia de Soria é unha provincia española da comunidade autónoma de Castela e León. É unha provincia periférica desta comunidade, situada no centro-norte de España. A súa capital é Soria.

Límites

Limita ao norte coa Rioxa, ao noroeste coa provincia de Burgos, ao sueste coa provincia de Segovia, estas dúas de Castela e León, ao sur coa provincia de Guadalaxara, na comunidade autónoma de Castela-A Mancha e ao leste coa provincia de Zaragoza, na comunidade autónoma de Aragón.

Esta provincia está dividida en 183 municipios, que se encadran nas seguintes comarcas:

• Campo de Gómara
• Comarca del Moncayo (Ágreda - Ólvega)
• Comarca de Almazán
• Comarca de la Ribera del Duero (San Esteban - Burgo de Osma)
• Comarca de Pinares
• Tierras Altas
• Comarca de El Valle

Xeografía

O maior río que pasa pola provincia de Soria é o Douro, que de feito é un dos maiores de España. Dito río nace nesta provincia, nos Picos de Urbión. O resto dos ríos desta comunidade son afluentes do Douro e do Ebro.

Distínguense nesta provincia dúas comarcas xeográficas: comarcas: Tierra de Ágreda, que linda ao leste con Aragón, zona de hortas e bosques; e a Meseta Soriana, terra cerealística e remolacheira, na varxa do Douro. Tamén distínguese a zona norte, zona agreste rica en ignitas.

Demografía

Esta provincia tiña en 2002 91 487 habitantes, que reparten nunha superficie de 10 287 km², resultando unha das máis baixas densidades de poboación de Europa, e detrás mesmo da provincia de Teruel, a máis baixa de España: 9 habitantes por km².

A poboación está, ademais, repartida moi desigualmente: na capital de provincia vive o 40% da poboación, mentres que a maioría dos concellos non chega a ter 1000 veciños, e a metade ni sequera teñen 100 veciños.

Esta provincia posúe un plan de desenvolvemento propio, o PAES, plan aprobado polo consello de ministros do 6 de maio de 2005, que intenta sacar do atraso con respecto ao Estado a esta provincia.