Insuficiencia cardíaca

Na Galipedia, a Wikipedia en galego.
Aviso médico.
Advertencia: A Wikipedia non dá consellos médicos.
Se cre que pode requirir tratamento, por favor, consúltello ao médico.

Unha insuficiencia cardíaca é unha situación na que o corazón non é capaz de bombear todo o sangue que o organismo precisa para funcionar adecuadamente, ou ben faino cun traballo excesivo. O grao de funcionalidade do corazón defínese pola fracción de exección (porcentaxe de sangue que bombeado en relación á función normal, que representaría o 100%)

Características[editar | editar a fonte]

Ademais dos cambios mecánicos, a insuficiencia cardíaca trae consigo unha serie de cambios hormonais, cos que o organismo trata de paliar a situación, pero que son en última instancia responsabeis de moitos dos síntomas. A insuficiencia cardíaca pode dividirse en dous grandes grupos:

  • Sistólica: a contracción cardíaca é a parte do ciclo cardíaco máis afectada
  • Diastólica: o corazón contráese adecuadamente, pero ten problemas para relaxarse

Tamén podemos dividila en aguda e crónica, segundo se a enfermidade aparece repentinamente ou é un proceso prolongado no tempo.

Causas[editar | editar a fonte]

As causas máis importantes son as relacionadas cunha menor irrigación sanguínea do músculo que forma as paredes cardíacas, responsable da contracción e relaxación.

Síntomas[editar | editar a fonte]

O síntoma máis frecuente é a dificultade respiratoria (dispnea) debido á acumulación de líquido nos pulmóns (o sangue acumúlase na circulación pulmonar porque o corazón non é capaz de movilizalo, ocasionando unha alta presión nos capilares, e que o soro sanguíneo "escape" cara o tecido pulmonar), que aumenta ao deitarse (estes pacientes, cando o seu estado é grave, adoitan ter que durmir sentados ou coa cabeceira da cama elevada). Tamén pode aparecer tose, e cando a insuficiencia empeora bruscamente, edema de pulmón, que consiste nun paso de líquido masivo aos espazos pulmonares, no que a dispnea se volve moi intensa e pode conducir á morte en cuestión de horas se non se trata.

É característico ver as veas xugulares inchadas, o que se coñece como ingurguitación xugular. Outros síntomas menos frecuentes son dor abdominal ou sensación de inchazón, se o sangue se acumula nestas zonas. Por unha falta de aporte sanguíneo aos músculos, pode aparecer debilidade, cansanzo e impotencia. Se a falta de sangue afecta ao cerebro, aparecerán confusión, dor de cabeza, fallos de memoria, e outras alteracións das funcións superiores.

O corazón pode aumentar de tamaño (hipertrofiarse) para tratar de cubrir as necesidades do organismo, pero isto, a medio prazo, fai que mingüe a súa efectividade.

Tratamento[editar | editar a fonte]

Procedementos cirúrxicos

Tratamento farmacolóxico

Medidas Hixiénicas

  • Adecuada actividade física
  • Control do peso e do consumo de sal e de líquidos
  • Emprego de osíxeno se é necesario.