Daniel Aranzubia
| Daniel Aranzubia | |||
|---|---|---|---|
 | |||
| Información persoal | |||
| Nome | Daniel Aranzubia Aguado | ||
| Nacemento | 18 de setembro de 1979 (43 anos) | ||
| Lugar de nacemento | Logroño | ||
| Altura | 1,84 m. | ||
| Posición | Porteiro | ||
| Carreira xuvenil | |||
| 1993–1994 | Loyola | ||
| 1994–1997 | Athletic Club | ||
| Carreira sénior | |||
| Anos | Equipos | Aprs | (Gls) |
| 1996–2000 | Bilbao Athletic | 70 | (0) |
| 1997–1998 | Baskonia | 31 | (0) |
| 2000–2008 | Athletic Club | 162 | (0) |
| 2008–2013 | Deportivo da Coruña | 178 | (1) |
| 2013–2014 | Atlético de Madrid | 1 | (0) |
| Total | 442 | (1) | |
| Selección nacional | |||
| 1995–1996 | España sub-16 | 3 | (0) |
| 1998–1999 | España sub-20 | 9 | (0) |
| 1999–2001 | España sub-21 | 17 | (0) |
| 2000 | España sub-23 | 1 | (0) |
| 2004 | España | 1 | (0) |
| Na rede | |||
  | |||
|
Partidos e goles só en liga doméstica. [ editar datos en Wikidata ] | |||
Daniel Aranzubia Aguado, nado en Logroño o 18 de setembro de 1979, é un exfutbolista español. Xogaba de porteiro e foi internacional coa selección española.
Traxectoria[editar | editar a fonte]
Formado nas categorías inferiores do Athletic Club, no 2000 incorporouse ao primeiro equipo. Na súa primeira temporada xoga tan só dous partidos de liga. Debuta na Primeira división española o 10 de abril do 2001 nun partido Athletic 1-3 Real Sociedad. Ata a temporada 2006/07 (inclusive) xogou un total de 152 partidos de liga en Primeira división.
Durante o verán do 2007 estivo a piques de ser fichado polo Real Zaragoza, pero finalmente, decidiu quedar no Athletic.[1]
No 2008 decide rematar o seu ciclo co Athletic[2] e comezar un novo no Deportivo, baixo as ordes de Miguel Ángel Lotina. Aquí consegue facerse axiña coa titularidade do equipo encadeando unha serie de boas actuacións que lle fan recuperar o seu mellor nivel logo das últimas temporadas un tanto irregulares no Athletic de Bilbao.
O 20 de febreiro de 2011 anota contra o UD Almería o seu primeiro gol como profesional, ao rematar dentro das mallas un saque de esquina no minuto 94 de partido, significando o 1-1 definitivo, sendo este un gol histórico ao ser a primeira vez que un porteiro marca de cabeza na Primeira División Española.[3]
Selección nacional[editar | editar a fonte]
Asiduo as categorías inferiores da Selección de España, foi campión do mundo Sub-20 de 1999 e medalla de prata nos Xogos Olímpicos de Sidney 2000. Aranzubia foi o porteiro titular en ambas finais.
Coa selección absoluta de España disputou un encontro. Foi un partido amigable contra Andorra xogado o 5 de xuño do 2004, no que Aranzubia xogou a media hora final. Posteriormente, integrou o combinado español que participou na Eurocopa 2004 como porteiro suplente. Aranzubia non volveu ser convocado pola selección española tras a dimisión do seleccionador Iñaki Sáez, que fora o seu técnico nas categorías inferiores e quen lle fixo debutar coa absoluta.
Palmarés[editar | editar a fonte]
- Deportivo
- Atlético de Madrid
- España sub-20
- España sub-23
- Xogos Olímpicos: Medalla de prata 2000
Notas[editar | editar a fonte]
Véxase tamén[editar | editar a fonte]
Ligazóns externas[editar | editar a fonte]
- Datos do xogador en bdfutbol.com (en castelán)
- Datos do xogador en fifa.com Arquivado 20 de agosto de 2009 en Wayback Machine. (en inglés)
- Datos do xogador en futbol.sportec.es (en castelán)
- Nados en 1979
- Nados en Logroño
- Futbolistas da Rioxa
- Gardametas de fútbol
- Xogadores do CD Baskonia
- Xogadores do Bilbao Athletic
- Xogadores do Athletic Club de Bilbao
- Xogadores do Deportivo da Coruña
- Xogadores do Atlético de Madrid
- Xogadores da selección de fútbol de España sub-21
- Xogadores da selección de fútbol de España
- Medallistas olímpicos de prata por España
- Medallistas olímpicos en fútbol
- Medallistas nos Xogos Olímpicos de 2000
- Futbolistas olímpicos de España
- Futbolistas nos Xogos Olímpicos de 2000