Espírito Santo, Brasil
| Espírito Santo | |||
|---|---|---|---|
| |||
| |||
 | |||
| Lema: Trabalha e Confia | |||
| Himno: Hino do Espírito Santo | |||
| Estado |  Brasil | ||
| Capital | Vitória | ||
| • Poboación | 379.526 (2011) | ||
| Lingua oficial | Portugués | ||
| Forma de goberno | Estado | ||
Gobernador | Renato Casagrande (PSB) | ||
| Fundación | 1889 | ||
| Superficie | Posto 23º | ||
| • Total | 46.077 km² | ||
| • % auga | n/d | ||
| Fronteiras | n/d km | ||
| Costas | 392 km | ||
| Poboación | Posto 15º | ||
| • Total | 3 578 067 (2012) hab. | ||
| • Densidade | 78 hab./km² | ||
| Xentilicio | Capixaba ou espírito-santense | ||
| Fuso horario | BRT (UTC-3) | ||
| Dominio de Internet | .br | ||
| Código ISO | BR-ES | ||
| Estados do Brasil | |||
Espírito Santo é un estado brasileiro ao leste da Rexión Sudeste. Limita ao leste co océano Atlántico, ao norte cos estados de Baía e Minas Xerais, ao oeste con Minas Xerais, e ao sur co estado do Río de Xaneiro. A súa capital é Vitória.
Xeografía[editar | editar a fonte]
A súa superficie de 45.597 km² é semellante en tamaño á de Estonia. Presenta unha variedade de hábitats, incluíndose a planicie costeira, lagos, unha variedade de formacións de montañas, bosques de montaña, mangleiral e moitos outros.
Topografía[editar | editar a fonte]
O estado pode ser dividido en dúas áreas: a planicie costeira e as montañas interiores, que forman a serra. A parte máis alta da serra chámase Serra do Caparaó (cuxo punto máis alto -Pico da Bandeira- atinxe a 2.890 m de altitude).
Clima[editar | editar a fonte]
O clima do Espírito Santo é seco en xeral, e quente ao norte do río Doce. O clima de montaña é máis frío chegando ao clima tropical de altitude nas rexións máis altas, como o oeste e o suroeste. O clima predominante nas planicies costeiras é o tropical, tendendo a tropical seco no norte. En xeral o verán é chuvoso e o inverno é seco.
Ríos e lagos[editar | editar a fonte]
O principal río do estado é o río Doce, que nace no veciño estado de Minas Xerais. Outro importante río é o Santa María, que desemboca próximo á illa onde se sitúa a capital, Vitória.
O estado ten unhas 26 lagoas, próximas ás marxes do río Doce. A máis importante delas é a Lagoa Juparanã.
Economía[editar | editar a fonte]
Os cultivos máis importantes no estado son o arroz, o café (un dos máis importantes produtos de exportación agrícolas do Brasil), o cacao, a cana de azucre, o feixón, as froitas, (principalmente a banana e a papaia), e o millo.
Da cría de animais para fins comerciais, a máis importante é de gando, que é criado tanto para produción de carne como de leite. Destaca tamén a avicultura, que vende en todo Brasil e tamén exporta. As industrias de enlatados, produtos forestais, téxtiles, o aceiro e a minería de ferro son tamén grandes importantes. O estado acolle a maior fábrica de aproveitamento das minas de ferro do mundo (Val do Rio Doce), e unha das maiores industrias de produción de papel e celulosa do mundo, a Aracruz.
Os portos de Vitória e Tubarão son importantes para a exportación do mineral de ferro e do aceiro, e ademais na costa da rexión de São Mateus atopouse recentemente petróleo, o que impulsou a economía estatal, estando en vigor acordos comerciais para a súa explotación.
O turismo vén crecendo en importancia na economía de estado pero a maioría dos viaxeiros son de estados veciños, e non doutros países, así que os beneficios do turismo aínda son pequenos, en comparación con outros estados. Destinos turísticos coñecidos inclúen a zona costeira con cidades como Guarapari, Jacaraípe e Manguinhos. Pero cada vez máis os destinos de montaña gañan popularidade, como Domingos Martins e Castelo.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Espírito Santo |
Outros artigos[editar | editar a fonte]
Ligazóns externas[editar | editar a fonte]
 |  | ||
.svg){kind=small}
