Piauí

Piauí
	Bandeira Brasón
Himno	Hino do Piauí (pt) (18 de xullo de 1923)
Epónimo	Piaba (pt)
Localización
	7°25′S 42°54′O / -7.42, -42.9
Estado	Brasil
Capital	Teresina
Contén a división administrativa	Acauã (pt) ; Agricolândia (pt) ; Alagoinha do Piauí (pt) ../... 221+
Poboación
Poboación	3.219.257 (2017) (12,79 hab./km²)
Xeografía
Parte de	Rexión Nordeste do Brasil
Superficie	251.755,5 km²
Altitude	252 m
Comparte fronteira con	Maranhão ; Pernambuco ; Baía ; Tocantins ; Ceará
Datos históricos
Precedido por	Província do Piauí (pt)
Creación	1889
Organización política
Órgano executivo	secretariado do governo do Piauí (pt)
• Governador (pt)	Wellington Dias (pt) (2015–)
Órgano lexislativo	Assembleia Legislativa do Piauí (pt) , (Escano: 30)
Identificador descritivo
Fuso horario	UTC−03:00; America/Fortaleza (en)
ISO 3166-2	BR-PI
Sitio web	piaui.pi.gov.br

Piauí é un estado da Rexión Nordeste do Brasil. Ten por límites o estado de Maranhão ó oeste; o océano Atlántico ó norte; os estados de Ceará e Pernambuco ó leste; e o estado de Baía e parte do de Tocantins ó sur. Ten 1,64% da poboación do Brasil. A súa capital e a cidade de Teresina.

Historia

Os primeiros colonizadores chegaron ó territorio do actual estado do Piauí durante o século XVII. En 1811 este tornouse unha capitanía separada do Maranhão. Coa independencia do Brasil en 1822, tornouse unha provincia do Imperio. Despois de 1889 coa república, tornouse estado.

Xeografía

Relevo

O relevo de Piauí comprende planicies costeiras e aluvionares nas marxes do río Parnaíba e dos seus afluentes, ao centro e ao norte do Estado. Ao longo das fronteiras con Ceará, Pernambuco e Baía, nas chapadas de Ibiapaba e de Araripe, ao leste, e de Tabatinga e Mangabeira ó sur, atópanse as máis grandes altitudes do estado, situadas en torno aos 900 metros de altitude.

Entre esas zonas elevadas e o curso dos ríos que cortan o Estado (os principais: Parnaíba, Gurguéia, Fidalgo e Urubu Preto), atópanse formacións tabulares, ladeadas por escarpas acentuadas, resultantes da acción erosiva das augas.

Economía

O Piauí é un dos estados máis pobres do Brasil, e participa soamente co 0,5% do produto interno bruto do país. Os servizos representan máis de 60% do Produto Interno, a agricultura e gandería representan 9,1% e a industria 26,3% (datos de 2002). O principal centro de comercio e servizos do estado é a súa capital, Teresina.

Os principais produtos exportados son: cera vexetal (extraída de palmas), soia (introducida no estado nos anos 1990), confeccións, castaña de anacardio, cangrexos e outros crustáceos, e coiro. Non hai moitas e variadas industrias (os principais produtos industrializados veñen doutras rexións). A gandería e feita de modo extensivo, principalmente para consumo interno. O leste e sur do estado sofren coas secas periódicas do Sertão brasileiro, que afectan a gandería e agricultura e producen o éxodo de persoas para outras rexións e grandes cidades.

O turismo ten algún potencial no litoral (delta do río Parnaíba, xunto co estado do Maranhão) e nos Parques Nacionais de Sete Cidades e da Serra da Capivara, situados ó sur do estado. Pero estes dous parques nacionais sofren coa falta dun acceso máis fácil que permita un número expresivo de visitantes e, así, o turismo representa pouco para o Produto Interno do estado. O Parque Nacional da Serra da Capivara e tamén considerado un Patrimonio da Humanidade pola UNESCO polas súas pinturas rupestres.

Véxase tamén

Outros artigos

Ligazóns externas

Sitio web oficial Arquivado 06 de novembro de 2007 en Wayback Machine.
O Dia, xornal editado no estado do Piauí
Diário do Povo, xornal editado no estado do Piauí