Mangleiral

Na Galipedia, a Wikipedia en galego.
Saltar ata a navegación Saltar á procura
Un mangleiral
Distribución dos mangleirais no planeta

O mangleiral [1][2] é un ecosistema acuático, de transición entre os ambientes terrestre e mariño, unha zona húmida característica de rexións tropicais e subtropicais.

Polo feito de estar asociado ás marxes de baías, enseadas, barras areosas, desembocaduras de ríos e lagoas onde haxa encontro de augas de ríos coa do mar, ou ben directamente exposto á liña da costa, o mangleiral está suxeito ao réxime das mareas e dominado por especies vexetais típicas adaptadas á salinidade, ás que se asocian outros compoñentes vexetais e animais.

Ao contrario do que acontece nas praias areosas e nas dunas, a cobertura vexetal do mangleiral instálase en substratos de lama de formación recente, de pequena declividade, baixo a acción diaria das mareas de auga salgada ou, polo menos, salobre.

Débense distinguir os termos mangleiral (ecosistema) e mangleiro, termo común dado ás especies arbóreas características deses hábitats.

Notas[editar | editar a fonte]

  1. Entrada da voz "mangleiral" no dicionario online Digalego.
  2. Entrada da voz "mangleiral" en Gómez Márquez, Jaime; Viñas Díaz, Ana Mª; González González, Manuel (coords.) (2010). Dicionario de Bioloxía galego-castelán-inglés (PDF). A Coruña: Xunta de Galicia / Consellería de Educación e Ordenación Universitaria / Centro Ramón Piñeiro para a Investigación en Humanidades. p. 112. ISBN 978-84-453-4973-1. Consultado o 7 de marzo de 2018. Ecosistema de rexións salobres tropicais e subtropicais dominado por árbores e arbustos moi tolerantes ao sal (mangleiros). ES: manglar s.m. EN: mangrove 

Este artigo tan só é un bosquexo
 Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.