Tyronn Lue

Tyronn Lue
Posición	Base
Dorsal	10
Altura	1,83 m (6 ft 0 in)
Peso	79 kg (175 lb)
Nacemento	3 de maio de 1977 (36 anos) Mexico, MO
Carreira
Tempadas	1998–2009
NBA Draft	1998 / Rolda: 1 / Elección: 23 Escollido por Denver Nuggets
Universidade	Nebraska
Equipo(s)
Los Angeles Lakers (1998-2001) Washington Wizards (2001-2003) Orlando Magic (2003-2004) Houston Rockets (2004) Atlanta Hawks (2004-2008) Dallas Mavericks (2008) Milwaukee Bucks (2008-2009) Orlando Magic (2009)
Estatísticas (NBA)
Puntos	4 710
Rebotes	943
Asistencias	1 727
Stats @ Basketball-Reference.com
Premios
Ningún premio notable

Tyronn Jamar Lue, nado o 3 de maio de 1977 en Mexico, Misuri, é un ex xogador norteamericano de baloncesto profesional e actual adestrador asistente dos Boston Celtics da National Basketball Association (NBA).

Traxectoria

Universidade

Durante tres anos xogou na Universidade de Nebraska, onde rematou sendo o terceiro xogador con máis asistencias dos Cornhuskers de toda a historia. Promediou 15,9 puntos, 4,4 asistencias e 3,4 rebotes por partido.

NBA

Foi elixido na 23ª posición do Draft da NBA de 1998 polos Denver Nuggets, pero foi traspasado ao intre, xunto con Tony Battie a Los Angeles Lakers a cambio de Nick Van Exel. Nos seus 3 primeiros anos nos Lakers apenas puido xogar debido ás lesións, pero en 2001 foi unha peza chave nos playoffs da NBA, sendo usado pola súa rapidez para frear á estrela do equipo dos Sixers Allen Iverson, conseguindo o seu ata agora único anel de campión da NBA.

Ao remate desa tempada foi traspasado aos Washington Wizards, onde permaneceu 2 tempadas, antes de pasar polos Orlando Magic e os Houston Rockets, para acabar establecéndose nos Atlanta Hawks, onde disputou 3 tempadas con eles.

O 16 de febreiro de 2008 foi traspasado aos Sacramento Kings xunto con Shelden Williams, Anthony Johnson, Lorenzen Wright e un segunda rolda do draft de 2008 a cambio do base Mike Bibby. Tras ser cortado a principios de marzo, o base fichou polos Dallas Mavericks. O 17 de xullo de 2008 asinou cos Milwaukee Bucks.

O 5 de febreiro de 2009 foi traspasado a Orlando Magic a cambio de Keith Bogans e diñeiro.

Logros persoais

• Campión da NBA en 2001
• Segundo mellor anotador de triplas en 2006

Curiosidades

• A súa nai, Kim Miller, é a persoa á que máis admira.
• Ten catro irmáns.
• A pasta é o seu prato favorito e desfruta xogando aos bolos.
• Detroit Lions é o seu equipo non-NBA favorito.
• Gústalle escoitar a Lil Wayne e Jay-Z.
• No cine, quédase con Chris Tucker e Eddie Murphy coma actores, e Halle Berry coma actriz.

Véxase tamén

Ligazóns externas

• Ficha en NBA.com (en inglés)
• Estatísticas de Tyron Lue (en inglés)