Lorenzen Wright

Na Galipedia, a Wikipedia en galego.
Lorenzen Wright
Posición Pivote
Dorsal 55, 42
Altura 2,11 m (6 ft 11 in)
Peso 116 kg (255 lb)
Nacemento 4 de novembro de 1975
Tennessee Memphis, Tennessee
Morte 19? de xullo de 2010 (34 anos)
Tennessee Memphis, Tennessee
Carreira
Tempadas 19962009
NBA Draft 1996 / Rolda: 1 / Elección: 7

Escollido por Los Angeles Clippers

Universidade Universidade de Memphis
Equipo(s)
Estatísticas (NBA)
Puntos     6 191 (7,9 ppp)
Rebotes     4 943 (6,3 rpp)
Tapóns     572 (0,7 app)
Stats @ Basketball-Reference.com
Premios
  • Ningún premio notable

Lorenzen Vern-Gagne Wright, nado o 4 de novembro de 1975 en Memphis, Tennessee e morto na mesma cidade en xullo de 2010, foi un xogador profesional estadounidense de baloncesto da National Basketball Association. Antes do seu falecemento non tiña equipo, polo que era un axente libre. Con 2,11 metros de altura xogaba na posición de pivote.

Traxectoria[editar | editar a fonte]

Universidade[editar | editar a fonte]

Asistiu á Universidade de Memphis, onde foi seleccionado no terceiro quinteto do All-America no seu segundo ano. Na súa etapa nos Tigers, conseguiu 31 dobres-dobres en 64 partidos e se converteu no terceiro xogador de segundo ano da universidade en anotar 1.000 puntos na súa traxectoria. No seu ano sophomore, Wright tivo unha media de 17,4 puntos e 10,4 rebotes por partido, conseguindo 16 dobres-dobres e sendo o 16ª mellor reboteador da nación.

NBA[editar | editar a fonte]

Wright foi seleccionado polos Los Angeles Clippers no sétimo lugar do Draft da NBA de 1996. Nos Clippers pasou tres tempadas, antes de ser traspasado aos Atlanta Hawks en 1999. A campaña 1999-00 foi a da súa consagración, facendo 12,4 puntos e 7,5 rebotes por noite. Ese verán foi traspasado aos Memphis Grizzlies no intercambio que mandaba a Pau Gasol aos Grizzlies e a Shareef Abdur-Rahim aos Hawks. Na súa nativa Memphis pasou cinco anos cobrando gran importancia no xogo interior do equipo, sendo regularmente o pivote titular.

En 2006 asinou coma axente libre cos Atlanta Hawks[1] por dous anos. O 16 de febreiro de 2008 foi traspasado aos Sacramento Kings xunto con Shelden Williams, Anthony Johnson, Tyronn Lue e unha segunda rolda do draft de 2008 a cambio do base Mike Bibby. O 5 de setembro de 2008 asinou contrato cos Cleveland Cavaliers, aínda que foi cortado do equipo.

Falecemento[editar | editar a fonte]

Wright deixou a casa da súa ex esposa en Memphis, Tennessee, o 18 de xullo de 2010, e xa non foi volto a ver máis. A súa familia presentou unha denuncia de desaparición o 22 de xullo. Despois que o cadáver de Wright fose atopado o 28 de xullo nunha zona boscosa preto da estrada de Callis Cutoff, ao oeste de Hacks Cross Road. O caso está a ser investigado como un homicidio. O corpo de Wright está enterrado no cemiterio Calvary de Memphis.

Curiosidades[editar | editar a fonte]

  • El e a súa muller Sherra tiveron cinco fillos: Lorenzen Jr., Loren, os xemelgos Lamar e Shamar, e Lawson.
  • Xogou en todos os niveis de baloncesto en Memphis: instituto, universidade e profesional.
  • Regresou á Universidade de Memphis en 2003 e rematou a súa graduación.
  • O seu pai, Herb Wright, xogou ao baloncesto profesional en Finlandia.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]