Antawn Jamison

Na Galipedia, a Wikipedia en galego.
Antawn Jamison
Antawn Jamison Lakers laughing 2013.jpg
Los Angeles Clippers – No. 33
Ala-pivote / Aleiro
Información persoal
Nacemento 12 de xuño de 1976 (38 anos)
Flag of Louisiana.svg Shreveport, Luisiana
Nacionalidade Flag of the United States.svg Estados Unidos
Altura 2,06 m (6 ft 9 in)
Peso 107 kg (235 lb)
Instituto Providence HS, Charlotte, Carolina do Norte
Información da carreira
Universidade North Carolina (1995–1998)
NBA Draft 1998 / Rolda: 1 / Elección: 4

Escollido por Toronto Raptors

Carreira dende 1998
Historial de equipos
Golden State Warriors (1998–2003)
Dallas Mavericks (2003–2004)
Washington Wizards (2004–2010)
Cleveland Cavaliers (2010–2012)
Los Angeles Lakers (2012–2013)
Los Angeles Clippers (2013–presente)
Premios e galardóns
Mellor Sexto Home (2004)
NBA All-Star (2005, 2008)
Información en nba.com

Antawn Cortez Jamison, nado o 12 de xuño de 1976 en Shreveport, Luisiana, é un xogador profesional de baloncesto estadounidense que xoga para os Los Angeles Clippers da National Basketball Association (NBA). Con 2,06 metros de altura e 107 quilogramos de peso xoga na posición de ala-pivote.

Traxectoria deportiva[editar | editar a fonte]

Universidade[editar | editar a fonte]

Durante a súa etapa na universidade Jamison xogou para a Universidade de Carolina do Norte en Chapel Hill. Nas súas tres tempadas en nos Tar Heels tivo unha media de 19,0 puntos e 9,9 rebotes por partido. No seu último ano universitario recibiu os premios Naismith e John R. Wooden como o mellor xogador universitario da tempada 1997-1998. Nos seus tres anos, Carolina do Norte logrou chegar ás semifinais nacionais (Final Four) dúas veces.

Profesional[editar | editar a fonte]

Jamison foi seleccionado por Toronto Raptors coa cuarta selección no draft de 1998. Foi traspasado de inmediato a Golden State Warriors a cambio do seu compañeiro universitario Vince Carter. Xogou cinco anos co equipo de Oakland, sendo traspasado aos Dallas Mavericks, onde gañou o premio ao Mellor Sexto Home da NBA. O ano seguinte foi traspasado de novo, esta vez a Washington Wizards. En 2005 e 2008, foi elixido para xogar o All-Star Game.

O 17 de febreiro de 2010, Jamison foi traspasado a Cleveland Cavaliers como parte dun intercambio a tres bandas, no que Al Thornton de Los Angeles Clippers marchábase a Washington Wizards; Žydrūnas Ilgauskas (que logo retornaría a Cleveland), unha primeira rolda do draft de 2010 e os dereitos de Emir Preldžič dende Cleveland a Washington; Drew Gooden de Washington aos Ánxeles e Sebastian Telfair dos Ánxeles a Cleveland.[1]

O 25 de xullo de 2012, Jamison asinou un contrato cos Los Angeles Lakers.[2]

O 28 de agosto de 2013, Jamison asinou cos Los Angeles Clippers.[3]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]