Rafer Alston

Na Galipedia, a Wikipedia en galego.
Rafer Alston
Rafer Alston Nets.jpg
Zhejiang Lions (China)
Escolta
Información persoal
Nacemento 24 de xullo de 1976 (37 anos)
Flag of New York.svg Queens, Nova York
Nacionalidade Flag of the United States.svg Estados Unidos
Altura 1,88 m (6 ft 2 in)
Peso 79 kg (175 lb)
Información da carreira
Universidade Cardozo
Carreira dende 2001
Historial de equipos
Milwaukee Bucks (2001–2003)
Idaho Stampede (2002–2004)
Mobile Revelers (2003)
Toronto Raptors (2003;2004-2005)
Miami Heat (2003-2004;2010)
Houston Rockets (2005–2009)
Orlando Magic (2009)
New Jersey Nets (2009)
Zhejiang Lions (2011)
Información en nba.com

Rafer Jamel Alston, nado o 24 de xullo de 1976 en Queens, Nova York, é un xogador profesional norteamericano de baloncesto que actualmente xoga nos Zhejiang Lions da Chinese Basketball Association.

Traxectoria NBA[editar | editar a fonte]

Alston xogou no baloncesto universitario 3 tempadas: no Ventura College a tempada 1994-95, no Fresno City College a 1996-97, e rematou en Fresno State na 1997-98.

Tras estar no banco a maioría de tempo cando estaba nos Milwaukee Bucks, foi traspasado aos Toronto Raptors.[1] Alí xogou moitos minutos, e xa nos Miami Heat conseguiu xogar coma titular no ano 2004. A súa actuación non foi decepcionante, xa que asinou 12 puntos e 4 asistencias por partido nun equipo moi novo, liderado polo escolta rookie Dwyane Wade, que se clasificou para as semifinais dos playoffs da NBA. Durante esa tempada, nun partido contra os Dallas Mavericks o 26 de marzo, conseguiu unha canastra a falta de tan só 0.5 segundos sobre a presión de Shawn Bradley, para darlle a vitoria a Miami por 119-118. No verán do 2004, asinou outra vez cos Toronto Raptors, pero non conseguiu o que el esperaba.

Alston foi traspasado aos Houston Rockets a cambio do escolta Mike James o 4 de outubro de 2005. A pesares das continuas críticas chegadas dende Toronto pola súa actitude, o adestrador dos Rockets, Jeff Van Gundy, falou co seu irmán Stan Van Gundy, adestrador dos Miami Heat que tivo a Alston durante a tempada 2003-04, sobre a actitude de Alston. A habilidade de Jeff Van Gundy para sacar o mellor de xogadores antes considerados problemáticos ou temperamentais fixo que o corpo técnico dos Rockets fose optimista coa súa fichaxe.[2] Na tempada 2006-07, coma base titular, Alston tivo uns números de 13.3 puntos, 3.4 rebotes, 5.4 asistencias e 1.6 roubos por partido. Rematou a tempada noveno da NBA en roubos, cuarto en triplas anotadas, e 23º en asistencias.[3]

O 12 de novembro do 2008, Alston foi suspendido con dous partidos por unha pelexa tras unha falta non pitada con Matt Barnes e Steve Nash.[4] Alston foi traspasado aos Orlando Magic nun traspaso a tres bandas o 19 de febreiro de 2009,[5] e substituiu ao mancado Jameer Nelson no quinteto titular. O 30 de abril de 2009, Alston anotou 21 puntos e repartiu 10 asistencias para axudar a Orlando a gañar aos Philadelphia 76ers por 4-2 na primeira rolda dos playoffs. Despois, os Magic gañarían aos Boston Celtics e aos Cleveland Cavaliers para chegar ás finais da NBA, onde perderon contra Los Angeles Lakers.

O 25 de xuño do 2009, foi traspasado aos New Jersey Nets xunto a Tony Battie e Courtney Lee a cambio de Vince Carter e Ryan Anderson.[6] Conseguiu a súa primeira tripla dobre como xogador dos New Jersey Nets na tempada 2009-2010. O 5 de xaneiro do 2010, os Nets liberaron a Alston para que asinara por outro equipo.

O 7 de xaneiro do 2010, asinou polos Miami Heat por segunda vez.[7] Tras ser titular 25 partidos con Miami, foi suspendido indefinidamente o 6 de marzo por perderse un adestramento e un partido.[8]

O 13 de marzo do 2010, os Miami Heat ampliaron a suspensión para toda a tempada. Rafer Alston considerou a posibilidade de retirarse.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]