Ricardo Fernández Carles
| Biografía | |
|---|---|
| Nacemento | 1913  Valga, España |
| Morte | 18 de maio de 1948 (34/35 anos) Teo, España |
| Datos persoais | |
| País de nacionalidade | España |
| Actividade | |
| Ocupación | membro da resistencia |
| Lingua | Lingua castelá |
| Carreira militar | |
| Conflito | Guerra civil española |
Ricardo Fernández Carles, nado en Valga cara a 1913 e finado en Teo o 19 de maio de 1948, foi un guerrilleiro antifranquista galego.
Traxectoria[editar | editar a fonte]
Veciño de Pontecesures. Co golpe de Estado do 18 de xullo de 1936 interveu na defensa de Pontecesures e foi detido o 7 de novembro. Xulgado en Pontevedra por auxilio á rebelión o 1 de abril de 1937, foi condenado a 15 anos de prisión. Conmutáronlle a pena a dous anos e saíu de prisión en novembro de 1938. Abríronlle expediente de responsabilidades políticas. Foi membro do grupo de Miguel Nicolás Esperante "Corcheiro". Integrouse con Manuel Agrasar Cajaraville na V Agrupación do Exército Guerrilleiro de Galicia liderada por Benigno Andrade "Foucellas" e José Remuiñán Barreiro "Ricardito". O grupo foi avistado pola Garda civil en Loureiro (Luou) o 19 de maio de 1948. A benemérita incendiou a casa onde se refuxiaban os guerrilleiros e Ricardo morreu polos disparos das metralladoras xunto a Manuel Agrasar Cajaraville, Vicente López Novo e Florentino Menéndez; tamén morreu o garda civil Manuel Gardón Castro. "Foucellas" e "Ricardito" lograron fuxir.[1]
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Martínez, Lupe (2023). Guerrilleir@s antifranquistas da provincia da Coruña. Vigo: Galaxia. pp. 219–222. ISBN 978-84-1176-172-7.
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. ISBN 84-8485-231-8.
Ligazóns externas[editar | editar a fonte]
- Ricardo Fernández Carles na páxina web Nomes e Voces.
- Ficha en Los de la sierra (en francés)