Roberto Alonso Díaz

Na Galipedia, a Wikipedia en galego.

Roberto Alonso Díaz, coñecido como O Barbas, nado en 1913 e finado en 1948, foi un guerrilleiro galego antifranquista.

Traxectoria[editar | editar a fonte]

Naceu na emigración cubana en Cienfuegos. Retornou a Galicia e participou co grao de sarxento na Guerra Civil, botouse ao monte tras a vitoria das forzas franquistas e organizou o seu propio grupo guerrilleiro con base na Serra de Meira e que actuaba entre Mondoñedo e Vilalba. Tiña como lugartenente a Perfecto Requeijo Rouco "O Tarrelo". Ambos acompañaron nalgunhas accións a Luís Trigo Chao "O Guardarríos". Detido en xaneiro de 1948, sometérono a tortura para que revelase onde se agochaba a súa partida e logo matárono.

Véxase tamén[editar | editar a fonte]

Bibliografía[editar | editar a fonte]

  • Bernardo Máiz, Galicia na II República e baixo o franquismo, Vigo, 1988.
  • Francisco Xavier Redondo Abal, Botarse ao monte, Sada, 2006