Otto Fritz Meyerhof

Otto Fritz Meyerhof
Nacemento	12 de abril de 1884 Hannóver (Alemaña)
Morte	6 de outubro de 1951 Filadelfia (EUA)
Residencia	Alemaña, EUA
Nacionalidade	Alemá
Campo	medicina, fisioloxía, bioquímica
Alma mater	Strasbourg Heidelberg
Coñecido por	Atopar a relación entre o consumo de osíxeno e o metabolismo do ácido láctico nos músculos.
Premios: Premio Nobel de Medicina (1922)

Otto Fritz Meyerhof, nado en Hannóver o 12 de abril de 1884 e finado en Filadelfia (EUA) o 6 de outubro de 1951, foi un fisiólogo alemán.

Traxectori

Realizou os estudos de Medicina en Friburgo de Brisgovia e Estrasburgo, e o doutoramento en Heidelberg. Traballou no instituto de Fisioloxía e Bioloxía de Kiel. Foi director do instituto de Fisioloxía e Bioloxía Wilhelm Kaiser, Berlín.

O ascenso do partido nazi obrigou a Meyerhof, de orixe xudía, a emigrar a París, e posteriormente a Estados Unidos. Foi profesor de fisioloxía na Universidade de Pensilvania, e faleceu en Filadelfia, en 1951.

Os seus traballos orientáronse, preferentemente, no proceso químico que se verifica na combustión da glicosa presente no organismo e na liberación de enerxía que se desprende en toda contracción muscular.

Meyerhof comprobou que se a contracción muscular se produce en presenza de osíxeno, a glicosa transfórmase en ácido láctico e este, pola presenza do osíxeno, en anhídrido carbónico e auga.

Obtivo o Premio Nobel de Medicina en 1922, compartido con Archibald Vivian Hill.