Noureddine Morceli

Na Galipedia, a Wikipedia en galego.
Cadro de medallas
Atletismo
Xogos Olímpicos
Ouro Atlanta 1996 1.500 m
Campionato do Mundo de Atletismo
Ouro Toquio 1991 1.500 m
Ouro Stuttgart 1993 1.500 m
Ouro Gotemburgo 1995 1.500 m
Campionato do Mundo en Pista Cuberta
Ouro Sevilla 1991 1.500 m
Xogos do Mediterráneo
Ouro Languedoc-Rosellón 1993 1.500 m

Noureddine Morceli, nado o 28 de febreiro de 1970 en Tenes (Chlef), é un mediofondista alxerino que foi campión olímpico dos 1500 metros en Atlanta 96, e plusmarquista mundial en varias especialidades.

Traxectoria[editar | editar a fonte]

Foi un dos atletas máis destacados na proba dos 1.500 metros lisos na década dos noventa. Tres veces campión do mundo na distancia (Toquio 1991, Stuttgart 1993 e Gotemburgo 1995). Tamén foi campión olímpico nos xogos de 1996.

Morceli bateu o récord do mundo da gran maioría de probas do medio fondo durante a súa carreira:

  • En 1991, récord do mundo en pista cuberta nos 1.500 m en Sevilla, cun tempo de 3:34.16.
  • En 1992, récord do mundo de 1.500 m en Rieti (Lazio), cun tempo de 3:28.86.
  • En 1993, récord do mundo na milla en Rieti, cun tempo de 3:44.39.
  • En 1994, récord do mundo de 3.000 m en Mónaco, cun tempo de 7:25.11.
  • En 1995, récord do mundo nos 2.000 m en París, cun tempo de 4:47.88.
  • En 1995, récord do mundo de 1.500 m en Niza, cun tempo de 3:27.37.

A aparición na escena do marroquí Hicham El Guerrouj foi eclipsando o papel de Morceli nos últimos anos da década. No campionato do Mundo de Atenas 1997 foi cuarto. A súa última aparición internacional foi nos Xogos Olímpicos de Sydney 2000.

Véxase tamén[editar | editar a fonte]

Ligazóns externas[editar | editar a fonte]