Comarca de Tabeirós - Terra de Montes

Na Galipedia, a Wikipedia en galego.
Comarca de Tabeirós - Terra de Montes
Comarca Tabeirós Terra de Montes.png
Provincia Provincia de Pontevedra
Capital A Estrada
Área 529 km²
Poboación 27.489 hab. (2012)
Densidade 51,96 hab./km²
Concellos Cerdedo
A Estrada
Forcarei
Centro Comarcal de Tabeirós-Terra de Montes, situado na parroquia de Toedo (A Estrada).

A Comarca de Tabeirós - Terra de Montes é unha comarca galega situada na provincia de Pontevedra e a súa capital é A Estrada. A cal pertencen os concellos de Cerdedo, A Estrada e Forcarei.

Localización e características[editar | editar a fonte]

Esta comarca de 528,98 km² sitúase entre as Terras do Deza e as da costa e nela distínguense dúas unidades xeográficas distintas: a Terra de Tabeirós ao norte, que forma parte do val do Ulla, e a zona montañosa da Terra de Montes ao sul.

En 2012 a poboación era de 27.489 habitantes, dos cales 21.657 vivían no concello da Estrada, o que é indicativo do carácter de núcleo reitor comarcal desta vila. As cidades máis importantes preto da comarca son Compostela e Pontevedra.

A Terra de Montes conformouse desde a división parroquial que realizaran os reis suevos Teodomiro e Miro na segunda metade do século VI. A comarca consolidouse coa súa incorporación á sede arcebispal de Iria Flavia. En 1115 o arcebispo Xelmírez, por doazón de Dona Urraca, construíu a torre-fortaleza do Castro de Montes, desde a que os xuíces-meiriños gobernaban a comarca. En 1135 construiuse o mosteiro de Aciveiro, arredor do cal se creou unha importante actividade comercial e artesanal a partir do século XII.

Demografía[editar | editar a fonte]

A comarca de Tabeirós - Terra de Montes está a ser unha zona onde a sangría demográfica é constante: entre 2000 e 2009 a comarca perdeu de 1.383 habitantes (un 4,64% da poboación). As principais entidades poboacionais do concello son:

Concellos[editar | editar a fonte]


Concellos da Comarca de Tabeirós - Terra de Montes Comarca de Tabeirós – Terra de Montes
Cerdedo
Cerdedo
A Estrada
A Estrada
Forcarei
Forcarei


Galería de imaxes[editar | editar a fonte]

Vexa o artigo principal en Galería de imaxes da comarca de Tabeirós - Terra de Montes

Véxase tamén[editar | editar a fonte]

Ligazóns externas[editar | editar a fonte]