Comarca de Tabeirós - Terra de Montes

A Comarca de Tabeirós - Terra de Montes, localizada na provincia de Pontevedra, está conformada polos concellos de Cerdedo, A Estrada e Forcarei.

Índice

1 Localización e características
2 Demografía
3 Concellos
4 Galería de imaxes
5 Véxase tamén
- 5.1 Ligazóns externas

[editar] Localización e características

Esta comarca de 528,98 km² sitúase entre as Terras do Deza e as da costa e nela distínguense dúas unidades xeográficas distintas: a Terra de Tabeirós ao norte, que forma parte do val do Ulla, e a zona montañosa da Terra de Montes ao sul.

En 2009 a poboación era de 28.389 habitantes, dos cales 21.880 vivían no concello da Estrada, o que é indicativo do carácter de núcleo reitor comarcal desta vila. As cidades máis importantes preto da comarca son Compostela e Pontevedra.

A Terra de Montes conformouse desde a división parroquial que realizaran os reis suevos Teodomiro e Miro na segunda metade do século VI. A comarca consolidouse coa súa incorporación á sede arcebispal de Iria Flavia. En 1115 o arcebispo Xelmírez, por doazón de Dona Urraca, construíu a torre-fortaleza do Castro de Montes, desde a que os xuíces-meiriños gobernaban a comarca. En 1135 construiuse o mosteiro de Aciveiro, arredor do cal se creou unha importante actividade comercial e artesanal a partir do século XII.

[editar] Demografía

A comarca de Tabeirós - Terra de Montes está a ser unha zona onde a sangría demográfica é constante: entre 2000 e 2009 a comarca perdeu de 1.383 habitantes (un 4,64% da poboación). As principais entidades poboacionais do concello son: