Wikipedia:Administradores
 | Esta páxina contén políticas e normas oficiais da Galipedia. Ten unha ampla aceptación entre os editores desta Wikipedia e considérase un estándar que todos os usuarios deben seguir. Agás para edicións pequenas, por favor, use a páxina de conversa para propoñer cambios nestas directrices. |
Na Wikipedia calquera pode editar un artigo. Malia iso, hai algunhas accións e algúns labores de mantemento reservadas a unha clase especial de usuarios, coñecidos como administradores. Os administradores son editores da Wikipedia coas capacidades técnicas para realizar varias accións especiais na Wikipedia en galego. Estas tarefas inclúen a capacidade de bloquear ou desbloquear contas de usuarios e enderezos IP impedíndolles a edición, editar páxinas protexidas, protexer e desprotexer as propias páxinas perante a edición, eliminar e restaurar páxinas, ou trocar o nome de páxinas sen restricións entre outras.
Os administradores asumen estas responsabilidades como voluntarios tras pasar un proceso de elección, e non actúan como empregados da Fundación Wikimedia. Por suposto, os administradores tan só poden facer uso das súas funcións seguindo as políticas e normas da Wikipedia.
A Wikipedia en galego ten actualmente 6 administradores.
Capacidades dos administradores
[editar a fonte]Os administradores poden:
- Borrar páxinas e imaxes (Motivos frecuentes para borrar)
- Ver e restaurar páxinas ou imaxes borradas
- Bloquear e desbloquear IP de usuarios anónimos
- Bloquear e desbloquear usuarios rexistrados
- Protexer ou bloquear unha páxina
- Editar páxinas protexidas ou bloquealas
- Reverter edicións rapidamente
- Ver as contribucións borradas dos usuarios
- Ver a lista de páxinas sen vixiar en toda a Wikipedia
- Ocultar revisións de páxinas
- Configurar o filtro de abusos e ver os seus rexistros
- Asignar ou revogar o estado de usuario confirmado e o de exento de bloqueo de enderezo IP
Administradores da interface
[editar a fonte]Os administradores da interface son usuarios coa capacidade de editar páxinas globais de CSS e Javascript (como por exemplo MediaWiki:Common.js ou MediaWiki:Vector.css, ou as páxinas de código dos trebellos listados en Especial:Trebellos) e calquera páxina CSS/JS no espazo de usuario doutro usuario distinto. Estas páxinas execútanas os navegadores dos lectores e editores da wiki en forma de código, utilizado para modificar a visualización do contido, o comportamento das páxinas ou para o funcionamento de ferramentas complexas.
A edición de código CSS/JS que se executa nos navegadores web doutros usuarios é unha capacidade poderosa e potencialmente perigosa en mans de usuarios con malas intencións. Os administradores da interface deben ser usuarios nos que a comunidade teña unha gran confianza, que teñan polo menos un coñecemento básico de CSS e JS, que sexan conscientes das expectacións de privacidade das wikis de Wikimedia, e que teñan un bo entendemento do concepto de seguridade de contas persoais.
Administradores da Galipedia
[editar a fonte]O número total de usuarios que contan na actualidade con funcións de administrador é de 6. Esta é a lista completa actualizada. Pódese contactar con eles individualmente ou a través do Taboleiro dos administradores.
A lista seguinte actualízase manualmente.
Administradores da interface da Galipedia
[editar a fonte]A lista seguinte actualízase manualmente.
| AMPERIO (conversa · contribucións) |
| O Breixo (conversa · contribucións) |
Notas
[editar a fonte]- ↑ Usuario de sistema con dereitos de administrador utilizado polo filtro de abusos