Rapante común

Na Galipedia, a Wikipedia en galego.
Rapante común
Lepidorhombus whiffiagonis
Lepidorhombus whiffiagonis 4G.jpg
Clasificación científica
Reino: Animalia
Filo: Chordata
Subfilo: Vertebrata
Clase: Actinopterygii
Subclase: Neopterygii
Infraclase: Teleostei
Superorde: Acanthopterygii
Orde: Pleuronectiformes
Suborde: Pleuronectoidei
Familia: Scophthalmidae
Xénero: Lepidorhombus
Especie: L. whiffiagonis
Nome binomial
Lepidorhombus whiffiagonis
(Walbaum, 1792)

O rapante común, tamén chamado meiga e rapante,[1] [2] [3] [4] cientificamente Lepidorhombus whiffiagonis (Walbaum, 1792), é unha especie de peixe teleósteo da orde dos pleuronectiformes, suborde dos pleuronectoideos e familia dos escoftálmidos,[5]

Taxonomía[editar | editar a fonte]

A especie foi descrita en 1792 polo médico, naturalista e taxónomo alemán Johann Julius Walbaum, baixo o nome de Pleuronectes whiffiagonis,[5] na súa edición da obra de Peter Artedi Petri Artedi sueci genera piscium in quibus systema totum ichthyologiae proponitur cum classibus, ordinibus, generum characteribus, specierum differentiis, observationibus plurimis: redactis speciebus 242 ad genera 52: Ichthyologiae pars 3. Ant. Ferdin. Röse: Grypeswaldiae.
(Ampliación da terceira parte da Ichthyologiae de Artedi, orixinalmente editada por C. Linnaeus.)

Sinónimos[editar | editar a fonte]

Ao longo do tempo, ademais de polo nome orixinario citado, esta especie foi coñecida polos seguintes sinónimos:[5]

  • Lepidorhombus megastoma Donovan, 1804
  • Pleuronectes megastoma Donovan, 1804
  • Pleuronectes pseudopalus Pennant, 1812
  • Rhombus (Lepidorhombus) whiffiagonis (Walbaum, 1792)

Descrición[editar | editar a fonte]

Rapante de gran tamaño pescado en Irlanda.

As principais características morfolóxicas de Lepidorhombus whiffiagonis son:[2]

  • Corpo ovalado, alongado, delgado e translúcido, de até case 60 cm de lonxitude.
  • Boca grande e oblicua. oa mandíbula inferior máis desenmvolvida que a superior; dentes pequenos, aguzados e curvados cara a atrás.
  • Ollos de tamaño mediano.
  • Escamas pequenas e caedizas.
  • Liña lateral ben mrcada, e curvada sobre a aleta pectoral
  • Aleta pectoral do lado cego algo máis pequena ue a do lado pigmentado. Aletas pelvianas bastante sparaas da anal. Alta caudal ampla e arredondada.
  • Coloración castaña clara no lado pigmentado, ás veces con manchas arredondadas máis escuras (especialmente nos exemplares capturados no gran Sol), e branca no lado cego.

Distribución[editar | editar a fonte]

Distribúse polo Atléntio nororiental, desde Islandia e o noroeste de Noruega até o sur do cabo Bojador (26° N), Sahara Occidental e as illas Azores, e polo Mediterráneo, sendo máis abundante no sur de Noruega, costas occidentais das illas Británicas e Francia, e as da península Ibérica, até o cabo da Roca.[6] [7]

Hábitat e bioloxía[editar | editar a fonte]

Hábitat[editar | editar a fonte]

Vive sobre fondos ereosos ou mixtos, de 50 a 500 m de profundidade, aínda que ás veces pódese encontrar nadando libremente. E raro velo preto da beiramar.[2] [6]

Bioloxía[editar | editar a fonte]

Nutrición

Aliméntase de pequenos peixes bentónicos, moluscos e crustáceos.[2] [6]

Reprodución

Desova en augas profundas de Islandia e o oste das illas Británicas, desde marzo a xuño. Os ovos, de 1 mm de diámetro, elosionan ao cabo de unha semana. As larva son peláxicas, e os xuvenñis van descendendo cara ao fondo cando acadan os 20 mm de lonxitude.[6]

En Galicia[editar | editar a fonte]

A primeira cita desta especie en Galicia débese a De Buen, no seu traballo de 1935 "Fauna ictiológica. Catálogo de los peces ibéricos de la planicie continental, aguas dulces, pelágicos y de los abismos próximos. II parte!, Not. y Res. Inst. Esp. Ocean. 82: 1-89.[2]

Notas[editar | editar a fonte]

  1. Rodríguez Solórzano´et al. (1983), pp. 181-182.
  2. 2,0 2,1 2,2 2,3 2,4 Rodríguez Villanueva et al. (1995), pp. 282-283.
  3. Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago de Compostela: Xunta de Galicia / Termigal. ISBN 84-453-2913-8, p. 83.
  4. Ademais, en moitos mercados, polo castelanismo gallo.
  5. 5,0 5,1 5,2 Lepidorhombus whiffiagonis (Walbaum, 1792) no WoRMS.
  6. 6,0 6,1 6,2 6,3 Muus, Bent J. et al. (1998), pp. 254-255.
  7. Lepidorhombus whiffiagonis (Walbaum, 1792) en FishBase.

Véxase tamén[editar | editar a fonte]

Commons
Commons ten máis contidos multimedia na categoría: Rapante común Modificar a ligazón no Wikidata

Bibliografía[editar | editar a fonte]

  • Fenner, Robert M. (2001): The Conscientious Marine Aquarist. Neptune City, New Jersey, Estados Unidos: T.F.H. Publications. ISBN 978-1-8900-8702-9.
  • Helfman, G.; B. Collette & D. Facey (2009): The diversity of fishes. 2ª ed. Malden, Massachusetts, Estados Unidos: Blackwell Science. ISBN 978-1-4051-2494-2.
  • Moyle, Peter B. & Cech, Joseph J. Jr. (2003): Fishes: An Introduction to Ichthyology, 5ª ed. Upper Saddle River, New Jersey, Estados Unidos: Prentice-Hall. ISBN 978-0-1310-0847-2.
  • Muus, Bent J.; Jørgen G. Nielsen; Preben Dahlstrøm e Bente O. Nyström (1998): Peces de mar del Atlántico y del Mediterráneo. Barcelona: Ediciones Omega. ISBN 84-282-1161-2.
  • Nelson, Joseph S. (2006): Fishes of the World. New York: John Wiley & Sons, Inc. ISBN 978-0-471-25031-7.* Rodríguez Solórzano, Manuel; Sergio Devesa Regueiro e Lidia Soutullo Garrido (1983): Guía dos peixes de Galicia. Vigo: Editorial Galaxia. ISBN 84-7154-433-4.
  • Rodríguez Villanueva, X. L. e Xavier Vázquez (1995): Peixes do mar de Galicia. (III) Peixes óseos (continuación). Vigo: Edicións Xerais de Galicia. ISBN 84-7507-870-2.
  • van der Land, J.; Costello, M.J.; Zavodnik, D.; Santos, R.S.; Porteiro, F.M.; Bailly, N.; Eschmeyer, W.N.; Froese, R. (2001): "Pisces", en: Costello, M. J. et al., eds. European register of marine species: a check-list of the marine species in Europe and a bibliography of guides to their identification. Collection Patrimoines Naturels, 50: pp. 357-374.
  • Wheeler, A. (1985): The World Encyclopedia of Fishes, 2ª ed. Londres: Little, Brown Book Group UK. ISBN 978-0-3561-0715-8.

Ligazóns externas[editar | editar a fonte]