Global Biodiversity Information Facility

Na Galipedia, a Wikipedia en galego.
Saltar ata a navegación Saltar á procura

Global Biodiversity Information Facility
GBIF-2015-full-stacked.png
Global Biodiversity Information Facility.png
TipoBanco de dados de espécies globais, Banco de dados taxonômicos, organización, infraestrutura, data library, Infraestrutura de investigação e organización internacional
Campo de traballoInformática para a biodiversidade
Data de fundación2001
Organización subsidiariaGBIF Norway
Na rede
http://www.gbif.org
Facebook: gbifnews Twitter: GBIF LinkedIn: gbif Vimeo: GBIF Flickr: 44353813@N02 GitHub: gbif Editar o valor em Wikidata
editar datos en Wikidata ]

A Global Biodiversity Information Facility (GBIF) é unha organización internacional que trata de que os datos científicos sobre biodiversidade estean dispoñíbeis en Internet usando servizos web. Os datos son proporcionados por moitas institucións de todo o mundo, e a estrutura da información da GBIF fai que estes datos sexan accesíbeis e permite buscas nun único portal. Os datos dispoñíbeis a través do portal da GBIF son principalmente datos de distribución de plantas, animais, fungos e microorganismos, e datos de nomes científicos.

A misión da GBIF é facilitar o acceso libre e aberto aos datos de biodiversidade do mundo para propiciar un desenvolvemento sustentábel. As prioridades, cun énfase en promover a participación e traballar con socios, inclúen mobilizar datos sobre biodiversidade, desenvolver protocolos e estándares para asegurar a integridade científica e a interoperabilidade, construír unha arquitectura informática que permita a interconexión de distintos tipos de datos provenientes de fontes dispares, promover a construción de capacidades e catalizar o desenvolvemento de ferramentas analíticas para unha mellor toma de decisións.

A GBIF trata de formar ligazóns informáticas entre recursos de datos dixitais de todo o espectro da organización biolóxica (de xenes a ecosistemas), e conectar estes con problemas importantes para a ciencia, a sociedade e a sustentabilidade usando xeoreferenciación e ferramentas de información xeográfica. Traballa en asociación con outras organizacións internacionais como a asociación do Catálogo da Vida, Biodiversity Information Standards (TDWG), Consortium for the Barcode of Life (CBOL), a Encyclopedia of Life (EOL) e GEOSS.

Véxase tamén[editar | editar a fonte]

Ligazóns externas[editar | editar a fonte]