Atún patudo

Na Galipedia, a Wikipedia en galego.
Atún patudo
Thunnus obesus
Thobe u0.gif
Estado de conservación
Vulnerable
Vulnerable
Clasificación científica
Reino: Animalia
Filo: Chordata
Subfilo: Vertebrata
Clase: Actinopterygii
Orde: Perciformes
Suborde: Scombroidei
Familia: Scombridae
Subfamilia: Scombrinae
Tribo: Thunnini
Xénero: Thunnus
Especie: T. obesus
Nome binomial
Thunnus obesus
(Lowe, 1839)

O atún patudo (Thunnus obesus) é unha especie de peixe da orde dos perciformes, suborde dos escombroideos e familia dos túnidos, pertencente ao xénero Thunnus.[1][2]

Características[editar | editar a fonte]

É un peixe corpulento, que chega a acadar un peso de 210 kg.

Ten a primeira aleta dorsal de cor amarela forte, mentres que a segunda alerta dorsal e a anal son só amareladas.

O corpo é claro cunha faixa azul iridescente nos lados (visíbel só en exemplares vivos).

Bioloxía[editar | editar a fonte]

Nutrición[editar | editar a fonte]

Aliméntase de peixes, crustáceos e cefalópodos, tanto de día, como durante a noite.

Reprodución e desenvolvemento[editar | editar a fonte]

Tanto os ovos como as larvas forman parte do plancto. Son peixes de crecemento rápido, a alcanzan unha idade máxima estimada de once anos.

Costumes[editar | editar a fonte]

Ten un comportamento peláxico, cos peixes de tamaños pequenos formando cardumes na superficie, mentres os adultos se concentran en augas profundas.

Distribución[editar | editar a fonte]

Atópase nas augas tropicais e subtropicais de todos os océanos, mais preferindo o intervalo de temperaturas entre os 17º e os 22 °C.[3]

Taxonomía[editar | editar a fonte]

Descrición[editar | editar a fonte]

Esta especie foi descrita por primeira en 1839 vez polo clérigo anglicano, escritor, botánico, ictiólogo e malacólogo inglés, especializado na flora, e máis na fauna (mariña) do arquipélago de Madeira Richard Thomas Lowe, baixo o nome de Thynnus obesus.[1] Poesteriormente, cando o xénero Thynnus foi considerado como Thunnus foi reclasificado neste.

Sinónimos[editar | editar a fonte]

Ao longo da historia, a especie foi tamén coñecida polos sinónimos seguintes:[1]

  • Germo obesus (Lowe, 1839)
  • Germo sibi (Temminck & Schlegel, 1844)
  • Neothunnus obesus (Lowe, 1839)
  • Orcynus sibi (Temminck & Schlegel, 1844)
  • Parathunnus mebachi (Kishinouye, 1915)
  • Parathunnus obesus (Lowe, 1839)
  • Parathunnus obesus mebachi (Kishinouye, 1915)
  • Parathunnus sibi (Temminck & Schlegel, 1844)
  • Thunnus abesus (Lowe, 1839) (incorrecto gramaticalmente)
  • Thunnus mebachi Kishinouye, 1915
  • Thunnus obesus mebachi Kishinouye, 1915
  • Thunnus obesus sibi (Temminck & Schlegel, 1844)
  • Thunnus sibi (Temminck & Schlegel, 1844)
  • Thunus obesus (Lowe, 1839) (incorrecto gramaticalmente)
  • Thynnus obesus Lowe, 1839 (basónimo)
  • Thynnus sibi Temminck & Schlegel, 1844

Importancia económica[editar | editar a fonte]

Ten grande importancia para a pesca, sendo comercializado principalmente conxelado e enlatado; adquire un valor elevado para a produción de sashimi. É considerado unha especie vulnerable pola IUCN.[4]

As capturas aumentaron liñalmente (aínda que con flutuacións) dende mediados do século XX até o ano 2000, cando se chegou a preto de 400 000 t en todo o mundo; os países que rexistran maiores capturas son o Xapón e Corea do Sur.[5].

Notas[editar | editar a fonte]

  1. 1,0 1,1 1,2 Thunnus obesus (Lowe, 1839) no WoRMS.
  2. Thunnus obesus (Lowe, 1839) no ITIS.
  3. ?Thunnus obesus? no sitio web FishBase.org (en inglés) consultado o 17 de xuño de 2009.
  4. Uozumi, Y. (1996): Thunnus obesus. En: IUCN 2009. IUCN Red List of Threatened Species. Version 2009.1. <www.iucnredlist.org> (en inglés). Consultada o 18 de xuño de 2009.
  5. Thunnus obesus no sitio web da FAO (en inglés). Consultado o 18 de xuño de 2009.

Véxase tamén[editar | editar a fonte]

Bibliografía[editar | editar a fonte]

  • Burton, Maurice & Robert Burton (1984): Encyclopedia of Fish. Saint Louis, EE.UU.: BPC Publishing. ISBN 0-7064-0393-2.
  • Nelson, Joseph S. (2006): Fishes of the World. New York: John Wiley & Sons, Inc. ISBN 0-471-25031-7.
  • Van der Land, J.; Costello, M. J.; Zavodnik, D.; Santos, R. S.; Porteiro, F. M.; Bailly, N.; Eschmeyer, W. N.; Froese, R. (2001): "Pisces", en: Costello, M. J. et al. (Eds.) European register of marine species: a check-list of the marine species in Europe and a bibliography of guides to their identification. Paris: Muséum national d'Histoire naturelle. Collection Patrimoines Naturels, 50. ISBN 2-85653-538-0, pp. 357–374.

Outros artigos[editar | editar a fonte]

Ligazóns externas[editar | editar a fonte]