Pablo Muñoz
| Nome orixinal | Pablo Muñoz Crespo |
|---|---|
| Biografía | |
| Nacemento | 4 de setembro de 2003  (21 anos)San Sebastián de los Reyes, España |
| Actividade | |
| Ocupación | futbolista |
| Deporte | fútbol |
| Posición de xogo | Centrocampista |
Pablo Muñoz Crespo, nado en San Sebastián de los Reyes o 4 de setembro de 2003, é un futbolista español que xoga como centrocampista no Marbella, da Primeira Federación, cedido polo Deportivo da Coruña.
Traxectoria
[editar | editar a fonte]Formouse como futbolista nas canteiras do Alcobendas CF e do Chamartín Vergara, antes de ingresar en 2018 na do Rayo Vallecano.[1] Na tempada 2021/22, capitaneando o equipo xuvenil, proclamouse máximo goleador do Grupo V da División de Honra, con 19 goles, a pesar de non xogar como dianteiro.[2]
Para a tempada 2022/23 foi subido ao filial do club, o Rayo B, equipo da Terceira División RFEF, onde disputou 26 partidos e marcou 5 goles.[3] O 18 de outubro de 2022 debutou co primeiro equipo na Primeira División, nun derbi ante o Atlético de Madrid no Estadio Metropolitano no que o adestrador Iraola lle deu entrada nos minutos finais como substituto de Álvaro García.[4]
O 1 de setembro de 2023, anunciouse o seu traspaso ao Deportivo da Coruña, da Primeira División RFEF.[1] Con todo, non chegou a contar coa confianza do técnico Imanol Idiakez, sumando só 20 minutos en liga durante a primeira metade da competición. En xaneiro o club cedeuno ao Atlético Baleares ata final de tempada.[5] No equipo balear tampouco contou apenas con oportunidades, disputando só 155 minutos repartidos en catro encontros, e non puido evitar o descenso do equipo á Segunda Federación.[6]
De volta na Coruña, o Deportivo ampliou o seu contrato ata 2026 e cedeuno ao Marbella para a tempada 2024/25 da Primeira Federación.[6][7]
Palmarés
[editar | editar a fonte]- Deportivo da Coruña
Notas
[editar | editar a fonte]- ↑ 1,0 1,1 "Pablo Muñoz, novo xogador do Dépor 2023-24". 1 de setembro de 2023. Consultado o 5 de setembro de 2023.
- ↑ Andreu, Tomás (12 de outubro de 2022). "La perla del Rayo por la que pujan Barça y Real Madrid". Sport (en castelán). Consultado o 5 de setembro de 2023.
- ↑ "Rayo Vallecano saturated with groundbreaking offers for Pablo Muñoz" (en inglés). 16 de outubro de 2022. Consultado o 5 de setembro de 2023.
- ↑ "Pablo Muñoz debuta con el Rayo Vallecano" (en castelán). 19 de outubro de 2022. Arquivado dende o orixinal o 05 de setembro de 2023. Consultado o 5 de setembro de 2023.
- ↑ Adrover, Sebastià (24 de xaneiro de 2024). "El Atlético Baleares obtiene la cesión del mediapunta Pablo Muñoz" (en castelán). Consultado o 14 de febreiro de 2024.
- ↑ 6,0 6,1 Regueiro, Zeltia (29 de xuño de 2024). "Pablo Muñoz amplía contrato con el Depor hasta 2026". DxT Campeón (en castelán). Consultado o 20 de agosto de 2024.
- ↑ "Cesión: Pablo Muñoz" (en castelán). 1 de agosto de 2024. Consultado o 20 de agosto de 2024.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en LaPreferente (en castelán).
| Control de autoridades |
|
|---|
