Eleccións Xerais 1869 en España

Na Galipedia, a Wikipedia en galego.
Saltar ata a navegación Saltar á busca
Prim foi nomeado Presidente do Goberno tras gañar as eleccións xerais de 1869

As eleccións xerais de España de 1869 foron convocadas para o 15 de xaneiro de devandito ano baixo sufraxio universal masculino. Foron as primeiras realizadas trala revolución de 1868, encabezada polos xenerais Juan Prim e Francisco Serrano Domínguez que supuxo a abdicación de Isabel II e o fin do goberno de Narváez, xefe do Partido Moderado. Realizáronse durante o Goberno Provisional de 1868-1871, primeiro período do Sexenio Democrático.

En total foron elixidos 352 deputados, separadamente dos 11 de Porto Rico e 18 de Cuba. O xeneral Prim encabezou unha coalición monárquica formada polo Partido Progresista, a Unión Liberal e os demócratas "cimbrios", que gañou as eleccións. O sector republicano maioritario no Partido Demócrata, que o había refundado baixo o nome de Partido Republicano Democrático Federal, e que estaba encabezado por Pi i Margall, Nicolás Salmerón e Emilio Castelar, obtivo un bo resultado. Tamén se presentaron os carlistas, aínda que non obtiveron os resultados que esperaban.

Foi nomeado Presidente do Congreso dos Deputados o demócrata "cimbrio" Nicolás María Rivero, que foi substituído o 18 de xaneiro de 1870 polo progresista Manuel Ruiz Zorrilla.

O xefe de goberno foi o xeneral Prim ata que foi asasinado o 27 de decembro de 1870, tras conseguir a aprobación da Constitución de 1869 (214 votos contra 55) e a elección como rei de España de Amadeo de Savoia. O almirante Juan Bautista Topete e Serrano organizaron o goberno ata que se convocaron novas eleccións en marzo de 1871, que foron as primeiras do reinado de Amadeo I.

Composición do Congreso dos Deputados[editar | editar a fonte]

Eleccións Xerais en España, 15 de xaneiro de 1869

Partido Escanos Líder
Coalición Progresista-Liberal 236 Juan Prim
Partido Republicano Democrático Federal 85 Francesc Pi i Margall
Comunión Católico-Monárquica 20 Carlos María de Borbón
Independentes de dereitas 3 José Ramón Bugallal Muñoz
Outros 8

Deputados galegos[editar | editar a fonte]

Os deputados que obtiveron un escano no Congreso polos distritos galegos nestas eleccións foron:[1]

A Coruña[editar | editar a fonte]

Lugo[editar | editar a fonte]

Ourense[editar | editar a fonte]

Pontevedra[editar | editar a fonte]

Notas[editar | editar a fonte]

  1. Os distritos aparecen englobados dentro da provincia correspondente

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]