Francisco Antonio Riestra
| Biografía | |
|---|---|
| Nacemento | Oviedo, España  |
| Morte | 17 de decembro de 1880 Madrid, España |
 Senador de España | |
| | |
| Datos persoais | |
| País de nacionalidade | España |
| Actividade | |
| Ocupación | emprendedor , político |
| Lingua | Lingua castelá |
Francisco Antonio Riestra Vallaure, nado en Oviedo e finado en Madrid o 17 de decembro de 1880, foi un empresario e político galego.
Traxectoria[editar | editar a fonte]
Avogado asturiano que chegou a Pontevedra cunha concesión real da subministración de sal, acumulou en pouco tempo unha notable fortuna e diversificou os seus negocios ata desembarcar na política, pasando pola Deputación provincial, o Congreso e o Senado. En 1869 fixo a presentación política de Eugenio Montero Ríos en Pontevedra.
Foi deputado provincial (1854-1862). Foi deputado polo distrito de Pontevedra en 1858 e volveu ser reelixido en 1863, 1865 e 1869. Foi elixido senador pola provincia de Pontevedra en 1872, sendo reelixido en 1876. En 1877 foi nomeado senador vitalicio.
Casou con Micaela López Fernández e foi pai de José Riestra López.
