Luís Rodríguez Seoane

Na Galipedia, a Wikipedia en galego.
(Redirixido desde "Luis Rodríguez Seoane")
Luís Rodríguez Seoane.

Luís Isidoro Rodríguez Seoane, nado en Pontevedra o 5 de abril de 1836 e finado en Santiago de Compostela o 12 de agosto de 1902, foi un médico e político galego.

Traxectoria[editar | editar a fonte]

Fillo de Luís Rodríguez Garea, era doutor en Medicina pola Universidade de Madrid. Pertenceu ao Partido Moderado, foi un dos organizadores do Banquete de Conxo, onde leu un dos brindes[1], e formou parte da xunta revolucionaria de 1868 de Pontevedra. Foi deputado nas Cortes pola circunscrición de Pontevedra (1869-1871), polos distritos de Ponte Caldelas (1871-1872) e da Cañiza (1881-1884) e senador pola provincia de Pontevedra (1886-1887) e A Coruña (1899-1900). En 1871 foi nomeado gobernador civil de Cáceres e director xeral de Aduanas e en 1888 gobernador de Asturias. Foi un dos fundadores do semanario pontevedrés El País (1857) e colaborou en El Buscapié, El Siglo Médico, La Perseverancia, Revista de Galicia e Faro de Vigo, e cultivou a poesía en galego e castelán.

Era irmán de José Rodríguez Seoane.

Obras[editar | editar a fonte]

Sobre Medicina[editar | editar a fonte]

  • Los nuevos tratamientos curativos de las enfermedades sifilíticas, 1878
  • Lecciones de terapéutica. Materia médica y arte de recetar, 1880
  • Varela de Montes y la Escuela Médica de Santiago, 1880

Poesía[editar | editar a fonte]

  • Mis ideales. Poesías, 1902.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]