Convención Europea de Dereitos Humanos

Convención Europea de Dereitos Humanos
Dereito internacional dos dereitos humanos
Instancia de tratado internacional Instrumentos internacionais de dereitos humanos
Composto por Protocolo nº11 do Convenio para a protección dos dereitos humanos e das liberdades fundamentais Protocol to the Convention for the Protection of Human Rights and Fundamental Freedoms (en)
Datas e cronoloxía
Data 4 de novembro de 1950
Entrada en vigor 3 de setembro de 1953
Características
Lingua lingua inglesa
Depositario Secretário-geral do Conselho da Europa (pt)
Implicados
Ratificado por 30 de novembro de 2005: Mónaco 3 de marzo de 2004: Serbia 3 de marzo de 2004: Montenegro 12 de xullo de 2002: Bosnia e Hercegovina 26 de abril de 2002: Armenia 15 de abril de 2002: Azerbaidján 20 de maio de 1999: Xeorxia 5 de maio de 1998: Rusia 5 de novembro de 1997: Croacia 12 de setembro de 1997: Moldova 11 de setembro de 1997: Ucraína 27 de xuño de 1997: Letonia 10 de abril de 1997: Macedonia do Norte 2 de outubro de 1996: Albania 16 de abril de 1996: Estonia 22 de xaneiro de 1996: Andorra 20 de xuño de 1995: Lituania 28 de xuño de 1994: Eslovenia 20 de xuño de 1994: Romanía 19 de xaneiro de 1993: Polonia 5 de novembro de 1992: Hungría 7 de setembro de 1992: Bulgaria 18 de marzo de 1992: Eslovaquia 18 de marzo de 1992: República Checa 10 de maio de 1990: Finlandia 22 de marzo de 1989: San Marino 8 de setembro de 1982: Liechtenstein 4 de outubro de 1979: España 9 de novembro de 1978: Portugal 28 de novembro de 1974: Grecia 28 de novembro de 1974: Suíza 3 de maio de 1974: Francia 23 de xaneiro de 1967: Malta 6 de outubro de 1962: Chipre 3 de setembro de 1958: Austria 26 de outubro de 1955: Italia 14 de xuño de 1955: Bélxica 31 de agosto de 1954: Reino dos Países Baixos 18 de maio de 1954: Turquía 3 de setembro de 1953: Luxemburgo 29 de xuño de 1953: Islandia 13 de abril de 1953: Dinamarca 25 de febreiro de 1953: Irlanda 5 de decembro de 1952: Alemaña 4 de febreiro de 1952: Suecia 15 de xaneiro de 1952: Noruega 8 de marzo de 1951: Reino Unido
Localización
Localización Roma
Coordenadas 41°53′35″N 12°28′58″L
Fontes e ligazóns
Páxina WEB coe.int…
Wikidata C:Commons

A Convención Europea de Dereitos Humanos (CEDH), en inglés European Convention on Human Rights (ECHR), foi adoptada polo Consello de Europa en 1950 e entrou en vigor en 1953. O nome oficial da Convención é Convenio Europeo para a Protección dos Dereitos Humanos e das Liberdades Fundamentais. Ten por obxecto protexer os dereitos humanos e as liberdades fundamentais, permitindo un control xudicial do respecto de devanditos dereitos individuais, e fai referencia á Declaración Universal dos Dereitos Humanos, proclamada pola Asemblea Xeral das Nacións Unidas o 10 de decembro de 1948.

Co fin de permitir un control do respecto efectivo dos dereitos humanos, a Convención instituíu o Tribunal Europeo de Dereitos Humanos (ou Corte Europea de Dereitos Humanos), efectiva en 1954, e o Comité de Ministros do Consello de Europa.

O Consello de Europa non debe ser confundido co Consello da Unión Europea, que non é unha parte comprendida na Convención (a pesar de estar adherida á Convención polo Tratado de Roma de 2004) e non ten ningún papel na administración do Tribunal Europeo de Dereitos Humanos. En tanto, a Convención exerce unha certa influencia sobre o Dereito da Unión: por exemplo, a Carta dos Dereitos Fundamentais da Unión Europea, no seu preámbulo, "reafirma [...] os dereitos recoñecidos especialmente por [...] a xurisprudencia [...] do Tribunal Europeo de Dereitos Humanos".

Dereitos que se protexen e cobertura

Os Estados que ratificaron a Convención, tamén coñecidos como "Estados Partes", comprometéronse a asegurar e garantir a todas as persoas baixo a súa xurisdición, non só aos seus nacionais, os dereitos civís e políticos fundamentais definidos na Convención.

Os dereitos e liberdades garantidos pola Convención inclúen o dereito á vida, o dereito a un xuízo xusto, o dereito ao respecto da vida privada e familiar, a liberdade de expresión, a liberdade de pensamento, conciencia e relixión e a protección da propiedade.

A Convención prohibe, en particular, a tortura e os tratos ou penas crueis ou degradantes, a escravitude e o traballo forzoso, a detención ilegal e arbitraria e a discriminación no goce dos dereitos e liberdades garantidos pola Convención.

A Convención evolucionou co paso do tempo e comprende diversos protocolos adicionais. Por exemplo, o Protocolo N° 6 prohibe a pena de morte, excepto en caso de guerra.

Ratificación polos Estados da Península Ibérica

Portugal

Portugal entrou no Consello de Europa O 26 de setembro de 1976, após o PREC e a aprobación da súa Constitución democrática e ratificou a CEDH o 9 de novembro de 1978, entrando en vigor nesa mesma data.

España

España uniuse ao Consello o 24 de novembro de 1977, durante a Transición. O convenio foi ratificado por España con data 26 de setembro de 1979, publicado no Boletín Oficial do Estado de 10 de outubro de 1979.

Xibraltar

O Reino Unido foi o primeiro Estado-nación a ratificar a Convención, no 8 de marzo de 1951, como parte do seu compromiso de protexer os dereitos humanos no contexto europeo, despois da Segunda guerra mundial. Xibraltar segue as directrices e tratados do Reino Unido en materia de dereitos humanos, incluída a CEDH.

Andorra

Andorra uniuse ao Consello de Europa o 10 de novembro de 1994 e ratificou a Convención adheríndose ás normativas e proteccións establecidas polo Consello de Europa dous anos despois, en 1996.

Véxase tamén

Outros artigos

• Convención Americana sobre Dereitos Humanos
• Declaración Universal dos Dereitos Humanos
• Pacto Internacional de Dereitos Civís e Políticos
• Pacto Internacional de Dereitos Económicos, Sociais e Culturais

Ligazóns externas

• Alto Comisionado das Nacións Unidas para os Refuxiados (ACNUR). Texto do Convenio Europeo para a Protección dos Dereitos Humanos e Liberdades Fundamentais, de 4 de novembro de 1950,en formato Pdf, revisado conforme ao Protocolo n° 11 (Data de entrada en vigor 1 de novembro de 1998)
• Texto Refundido da Convención

---

Este artigo sobre dereito é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---