Xosé Ramón Pena

Na Galipedia, a Wikipedia en galego.
Xosé Ramón Pena
Xosé Ramón Pena (AELG)-1.jpg
Nacemento 27 de setembro de 1956 (61 anos)
Lugar Betanzos, Galicia Galicia
Nacionalidade España
Alma máter Universidade de Santiago de Compostela
Ocupación escritor
Xéneros Narrativa e ensaio
Estudos Filoloxía Hispánica e galego portuguesa
editar datos en Wikidata ]

Xosé Ramón Pena Sánchez, nado en Betanzos o 27 de setembro de 1956, é un escritor en lingua galega.

Traxectoria[editar | editar a fonte]

Pasou a infancia e mocidade na Coruña. Licenciado en filoloxía hispánica e galego-portuguesa na Universidade de Santiago de Compostela, pola que é doutor en Filoloxía. Foi membro do colectivo Alén. Profesor na Universidade de Vigo e mais na de California (Santa Barbara), na actualidade traballa como catedrático de lingua e literatura galega en Vigo. Asemade imparte aulas na UNED.

O seu labor ocupa os espazos da investigación na historia da literatura, na narrativa e no xornalismo. Dentro do primeiro deles, está especializado nos eidos da literatura medieval e das vangardas galegas, estudando e editando a obra de Ramón Cabanillas, Amado Carballo ou Manuel Antonio. É autor de títulos como Manuel Antonio e a vangarda, Xograres do mar de Vigo, Historia da literatura medieval galego-portuguesa, Historia da literatura galega (da que se levan publicado os volumes I e II) ou -con Manuel Forcadela- Estudos sobre Os Eoas de Eduardo Pondal. Así mesmo levou a cabo o estudo e edición de Na noite estrelecida, Da Terra asoballada, A esmorga e No desterro. Con Xosé María Dobarro realizou a edición da Poesía galega completa (2009) de Ramón Cabanillas.

Gañou o Premio Xerais (1987), o Premio Losada Diéguez (1988), o Premio Fervenzas Literarias (2015) e o Premio da Crítica Galicia (Investigación, 2015). É colaborador habitual en xornais e revistas, e mantén unha columna semanal no xornal Faro de Vigo no cal dirixe, ademais, o suplemento cultural semanal "Faro da Cultura". Foi director da colección Biblioteca das Letras Galegas de Edicións Xerais.

Obra[editar | editar a fonte]

Narrativa[editar | editar a fonte]

  • O reverso do espello (1984, Xerais).
  • Para despois do adeus (1987, Xerais; Premio Xerais (1987) e Losada Diéguez (1988).
  • Paixóns privadas (1991, Xerais).
  • A era de Acuario (1997, Xerais).
  • Fado de princesa (2005, Galaxia).
  • A batalla do paraíso triste (2008, Xerais).
  • Como en Alxeria (2012, Xerais). Publicado en castelán en 2015, co título Como en Argelia, en Pulp Books.

Ensaio[editar | editar a fonte]

  • A poesía de Manuel António nas literaturas galegas de vanguarda (1979, La Voz de Galicia).
  • Literatura galega medieval (1986, Sotelo Blanco).
  • Manual e antoloxía da literatura galega medieval (1992, Sotelo Blanco).
  • Manuel Antonio e a vangarda (1996, Sotelo Blanco).
  • Xograres do mar de Vigo (1998, Xerais).
  • Historia da literatura medieval galego-portuguesa (2002).
  • Historia da Literatura Galega I. Das orixes a 1853 (2013, Xerais).
  • Historia da Literatura Galega II. De 1853 a 1916. O Rexurdimento (2014, Xerais); Premio Fervenzas Literarias e Premio da Crítica Galicia, 2015)
  • Historia da Literatura Galega III. De 1916 a 1936. A xeira das Irmandades (2016, Xerais).
  • Martín Codax e os xograres do mar de Vigo (2017, Xerais).

Edicións[editar | editar a fonte]

Obras colectivas[editar | editar a fonte]

Premios[editar | editar a fonte]

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]