Vitoria Ogando

Vitoria Ogando

Biografía
Nacemento	2 de xuño de 1956 (67 anos) Buenos Aires, Arxentina
Datos persoais
País de nacionalidade	España
Educación	Universidade de Santiago de Compostela
Actividade
Ocupación	profesora , wikimedista
Lingua	Lingua galega e lingua castelá
Familia
Cónxuxe	Anxo González Guerra
Fillos	Paulo González Ogando

María Vitoria Ogando Valcárcel, nada en Buenos Aires o 2 de xuño de 1956, é unha profesora e escritora galega.

Traxectoria

Vitoria Ogando con parte dos integrantes da 1ª promoción de Galego-Portugués da USC: Manuel Castelao, Luís Cambeiro Cives, Anxo González Guerra, Manuel Ferreiro Fernández, Tareixa Roca, María dos Anxos González Refoxo, Ramona Giráldez, María Xosé Queizán, María do Carme García Pereiro, Luís Gayoso Baqueiro, Carme Vázquez Castro, Manuel Figueiras Fernández, Francisco Salinas Portugal e César Morán.

Con cinco anos, trasladouse a Ourense por mor da morte do seu pai. Estudou o bacharelato no IES Rosalía de Castro de Santiago e logo Filoloxía Galego-Portuguesa na Universidade de Santiago de Compostela. Foi docente de lingua e literatura galegas no IES Valle Inclán de Pontevedra até a súa xubilación. Dende 2005 coordina canda o seu home, Anxo González Guerra, a páxina web ogalego.eu. Dende 2017 colabora de forma activa na Galipedia.

En 2018 Vitoria e Anxo foron galardoados co Premio Xoán Manuel Pintos do Concello de Pontevedra e en 2021 co Premio Cidade de Pontevedra.

Publicacións

• Tradución: Que fai o poder no teu leito?. Galiza Editora, 1986, Sanxenxo. ISBN 84-86129-07-9.
• Colaboración en: Dicionário da lingua galega de Isaac Alonso Estraviz et al.. Alhena, 1986, ISBN 84-7707-000-8.
• Exercicios de lingua. Ed. Vía Láctea, 1987, A Coruña (con Anxo González Guerra). ISBN 978-84-86531-36-1

Véxase tamén

Ligazóns externas

• www.ogalego.eu, páxina web adicada á lingua galega.
• galegos.galiciadigital.com