Deportivo Saprissa

Deportivo Saprissa
Nome	Deportivo Saprissa
Alcume(s)	El monstruo, La "S", Los Morados
Fundación	16 de xullo de 1935
Estadio	Estadio Ricardo Saprissa Tibás, San José
Inauguración	27 de agosto de 1972
Capacidade	23.112
Propietario	Horizonte Morado
Presidente	Juan Carlos Rojas Callán
Adestrador	Alexandre Guimarães
Liga	Primeira División
2011	3º
Vestimenta	Joma
Patrocinador	Bimbo
Na rede
http://www.saprissa.co.cr/
Titular Alternativo Terceiro

O Deportivo Saprissa é un club profesional de fútbol da localidade de Tibás, San José, fundado o 16 de xullo de 1935, que compite no torneo da Primeira División de Costa Rica.

Trátase dun dos clubs máis laureados do continente americano, con 29 campionatos de liga (récord), 5 Copas Interclubs da UNCAF (récord) e 3 Ligas de Campións da CONCACAF. Por todo iso, a IFFHS elixiu o Deportivo Saprissa como mellor equipo do século XX da Concacaf, por diante doutros grandes equipos mexicanos ou norteamericanos. En 2005 acadou o 3º posto nesa edición da Copa Mundial de Clubs da FIFA, feito que non foi igualado por ningún outro equipo da Concacaf até a actualidade.

O seu nome deriva dun dos seus fundadores: Ricardo Saprissa (1901-1990), un destacado xogador de fútbol (xogou 10 anos no RCD Espanyol) e de tenis (representou a España na Copa Davis e nos Xogos Olímpicos de 1924). En 1931 foi chamado polo seu irmán Rogelio para que o axudase na creación dun negocio téxtil en San José (Costa Rica), e Ricardo Saprissa marchou cara aló. Cando en 1935 algúns veciños da cidade quixeron crear un novo equipo, decidiron que ese equipo se chamase Saprissa FC coa idea de que el o patrocinase, cousa que accedeu a facer. Dende 1935 até 1981 el foi o presidente do club.

O Deportivo Saprissa xoga os seus encontros como local no Estadio Ricardo Saprissa, situado 3'5 quilómetros ó norte do centro da cidade de San José. O estadio foi inaugurado o 27 de agosto de 1972, e ten capacidade para acoller a 23 112 seareiros nas súas bancadas. Este recinto recibe o alcume de "A Cova do Monstro". A Selección de fútbol de Costa Rica ten xogado neste estadio mais encontros que en ningún outro estadio.

O club mantén unha intensa rivalidade co LD Alajuelense e co Club Sport Herediano.

Palmarés

Continental

• Liga de Campións da CONCACAF (3) = 1993, 1995, 2005
  • Subcampionatos (2) = 2004, 2008
• Copa Interclubs da UNCAF (5) = 1972, 1973, 1978, 1998, 2003
  • Subcampionatos (7) = 1971, 1974, 1996, 1997, 2001, 2004, 2007
• Copa Interamericana (0) = -
  • Subcampionatos (2) = 1994, 1997

Nacional

• Primeira División de Costa Rica (29) = 1952-53, 1953-54, 1957-58, 1962, 1964-65, 1965-66, 1967-68, 1968-69, 1969, 1972,1973, 1974, 1975-76, 1976, 1977-78, 1982, 1988-89, 1989-90, 1993-94, 1994-95, 1997-98, 1998-99, 2003-04, 2005-06, 2006-07, I-2007, V-2008, I-2008, V-2010
  • Subcampionatos (15) = 1950, 1955-56, 1958, 1959, 1961, 1963, 1966-67, 1970, 1971, 1984-85, 1991, 1992, 1996-97, 1999-00, 2002-03

Xogadores

A "Ultra Morada" é o grupo organizado de seareiros do Dep. Saprissa.

Nº Posto País Xogador 1 POR Víctor Bolivar 2 DEF Jordan Smith 4 DEF José Mena 5 DEF Alexander Robinson 6 MED Yeltsin Tejeda 7 MED Maikol Ortiz 8 MED Walter Centeno (c) 9 DIA Jorge Alejandro Castro 10 DIA Alonso Solís 11 DIA Allan Alemán 12 MED Fernando Paniagua 13 POR Fausto González 15 MED Deyver Vega 16 DEF Gabriel Badilla 17 DEF Óscar Duarte

Nº Posto País Xogador 19 DIA Jairo Arrieta 20 MED David Guzmán 21 DIA Erick Scott 22 POR Donny Grant 23 MED Juan Bustos 24 DEF Ricardo Blanco 25 MED Manfred Russell 26 DIA Daniel Colindres 27 DIA César Elizondo 29 DEF Fabián Rojas 30 DEF Douglas Sequeira 32 DEF Krasher Mooke 33 MED Luis Diego Cordero 77 DIA Mynor Escoe - DEF Kevin Arrieta

Véxase tamén

Ligazóns externas

• Páxina oficial do Deportivo Saprissa (en castelán)