Angeliño

Na Galipedia, a Wikipedia en galego.
Angeliño
2020-03-10 Fußball, Männer, UEFA Champions League Achtelfinale, RB Leipzig - Tottenham Hotspur 1DX 3678 by Stepro.jpg
Información persoal
Nome José Ángel Esmorís Tasende
Nacemento 4 de xaneiro de 1997
Lugar de nacemento Silván
Altura 1,71 m.
Posición Lateral esquerdo
Información de club
Club actual Hoffenheim
Número 11
Carreira xuvenil
2001–2007 Luis Calvo Sanz
2007–2013 Deportivo da Coruña
2013–2014 Manchester City
Carreira sénior
Anos Equipos Aprs (Gls)
2014–2018 Manchester City 0 (0)
2015 New York City 14 (0)
2017 Girona 0 (0)
2017 Mallorca 17 (0)
2017–2018 NAC Breda 34 (3)
2018–2019 PSV Eindhoven 34 (1)
2019–2021 Manchester City 6 (0)
2020–2021 RB Leipzig 39 (5)
2021– RB Leipzig 29 (2)
2022– Hoffenheim 13 (0)
Selección nacional
2013 España sub-17 1 (0)
2018 España sub-21 2 (0)
2016– Galicia 1 (0)
Na rede
Twitter: angel_tasende69 Instagram: angelino_69 UEFA: 250064356 Editar o valor em Wikidata
Partidos e goles só en liga doméstica.
Club: actualizado a 11 de novembro de 2022.
Selección: actualizado a 14 de febreiro de 2021.editar datos en Wikidata ]

José Ángel Esmorís Tasende, coñecido como Angeliño, nado en Silván,[1] Erbecedo, Coristanco, o 4 de xaneiro de 1997, é un futbolista galego que xoga de lateral esquerdo no Hoffenheim, da Bundesliga, cedido polo RB Leipzig.

É irmán do tamén futbolista Dani Tasende.

Traxectoria[editar | editar a fonte]

Primeiros pasos[editar | editar a fonte]

Angeliño uniuse ó Deportivo da Coruña en 2007 con dez anos de idade, tras comezar a xogar ó fútbol nas Escolas de Fútbol Luís Calvo Sanz do Bergantiños.[2][3] Ocupou varias posicións comezando de porteiro, ata que no Deportivo asentouse definitivamente como lateral esquerdo.[4] Xogou durante seis anos nas categorías inferiores do club herculino.

Manchester City (1ª etapa)[editar | editar a fonte]

O 8 de xullo de 2012 asinou un contrato de catro anos co Manchester City, facéndose efectivo en xaneiro do ano seguinte.[5] Inicialmente asignado ó equipo sub-18, xogou regularmente co equipo de reservas na Premier League sub-21 con só dezaseis anos.[6] Co club inglés disputou a Liga Xuvenil da UEFA, onde foi elixido no once ideal.[7][8]

0 2 de decembro de 2014 foi convocado como suplente do primeiro equipo por Manuel Pellegrini no partido que gañou o Manchester City por 1–4 no campo do Sunderland.[9]

Cesión ao New York City[editar | editar a fonte]

Foi cedido ó New York City FC en 2015.[10] Debutou co equipo profesional o 12 de xullo de 2015 no empate 4–4 contra o Toronto FC.[11] O seu primeiro partido como titular foi contra o New England Revolution, xogando os 90 minutos.[12] Co equipo neoiorquino xogou un total de 14 partidos e deu 4 asistencias.

Regreso a Manchester[editar | editar a fonte]

Tras rematar a súa cesión volveu a Manchester, onde continuou xogando na Premier League sub-21. Ademais o 30 de xaneiro de 2016 debutou co primeiro equipo na vitoria na casa do Aston Villa por 0–4 nunha eliminatoria da FA Cup, substituíndo a Clichy no minuto 81.[13] Ese mesmo ano debutou en competición europea da man do adestrador Pep Guardiola, nun partido de clasificación para a Liga de Campións, no que o seu equipo venceu ao Steaua Bucarest no Etihad Stadium.[14]

Cesión ao Girona e ao Mallorca[editar | editar a fonte]

Angeliño en 2014.

A finais de decembro de 2016 foi presentado como novo xogador do Girona en calidade de cedido,[15] pero só un mes despois, e sen ter debutado por culpa de desacordos entre o Girona e o City, deixou o equipo, sendo cedido ao Mallorca.[16][17] No equipo balear xogou 17 partidos e viviu o descenso á Segunda División B ao final da tempada.[18]

Cesión ao NAC Breda[editar | editar a fonte]

Na tempada 2017/18 xogou no NAC Breda na Eredivisie, a primeira división do fútbol neerlandés. No equipo de Breda disputou de xeito íntegro todos os partidos de liga e copa, anotou tres goles, deu seis asistencias, foi elixido catro veces "talento do mes" e finalmente foi incluído no once ideal da propia liga.[19] As súas boas actuacións fixeron que o PSV Eindhoven lle ofrecese ao City sete millóns de euros polo seu traspaso.[20]

PSV Eindhoven[editar | editar a fonte]

No PSV foi titular indiscutible durante toda a tempada 2018/19, disputando de inicio todos os partidos da liga neerlandesa e da Liga de Campións. Nesta última competición debutou o 18 de setembro de 2018, na derrota por 4-0 do seu equipo fronte ao FC Barcelona no Camp Nou. En total entre as dúas competicións anotou un gol e repartiu once asistencias, logrando finalmente o subcampionato de liga.[21]

Manchester City (2ª etapa)[editar | editar a fonte]

O seu rendemento nos Países Baixos fixo que Txiki Begiristain, director deportivo do Manchester City, o volvese chamar para o club adestrado por Guardiola, exercendo en xullo de 2019 a opción de recompra que mantiñan. Asinou un contrato por catro anos.[21] Un mes despois da súa chegada gañou o seu primeiro título, a FA Community Shield, despois de derrotar o Liverpool, aínda que Angeliño quedou no banco durante o partido disputado no Wembley Stadium. No club inglés dispuxo de poucos minutos, disputando só seis partidos de liga na primeira metade da tempada 2019/20, polo que en xaneiro foi cedido ao RB Leipzig alemán.[22]

Cesión ao RB Leipzig[editar | editar a fonte]

Angeliño realizando un saque de banda nun partido da Bundesliga do RB Leipzig contra o Borussia Dortmund en 2021.

Cando Angeliño chegou ao Leipzig a metade de tempada, este ocupaba a primeira posición da táboa na Bundesliga.[22] Disputou case todos os partidos como titular e anotou un gol na vitoria do seu equipo fronte ao FC Schalke 04 por 0-5.[23] Finalmente remataron a liga en terceira posición. O 13 de agosto de 2020 no Estádio José Alvalade de Lisboa, Angeliño deulle a Tyler Adams a asistencia para facer o segundo e definitivo gol fronte ao Atlético de Madrid e meter ao Leipzig nunhas semifinais da Liga de Campións, só 11 anos despois da fundación do club.[24][25]

O 8 de setembro o RB Leipzig anunciou que o futbolista xogaría como cedido no club alemán outra tempada máis.[26] O 20 de outubro, no primeiro partido do seu equipo na Liga de Campións 2020-21, Angeliño marcou dous goles na vitoria por 2-0 sobre o İstanbul Başakşehir FK, debutante na competición.[27] En decembro liderou o seu equipo na vitoria por 3-2 fronte ao Manchester United, cun gol e dúas asistencias que clasificaron ao club alemán para oitavos de final e deixaron fóra ao equipo de Solskjær.[28]

RB Leipzig[editar | editar a fonte]

Angeliño co RB Leipzig nun partido amigable contra o Liverpool en 2022.

O 12 de febreiro de 2021 Angeliño cumpriu fronte ao FC Augsburg o número de partidos estipulado no contrato para que o Leipzig tivera que facer efectiva obrigatoriamente a opción de compra sobre o xogador. Deste xeito o futbolista galego quedou desvinculado do Manchester City, sendo traspasado ao club alemán por 18 millóns de euros.[29][30] Rematou a liga como subcampión, mentres que na Liga de Campións o equipo caeu en oitavos de final ante o Liverpool, eliminatoria cuxo partido de volta Angeliño non puido xogar por mor dunha lesión muscular.[31] Mantivo unha tensa relación durante a parte final da tempada co adestrador Julian Nagelsmann, que se pechou coa non inclusión do futbolista na convocatoria para a final da Copa de Alemaña,[32] que o seu equipo acabou perdendo fronte ao Borussia Dortmund de Erling Haaland.[33]

Na tempada 2021/22 o equipo quedou cuarto na Bundesliga e quedou eliminado da Liga de Campións na fase de grupos, na que que acabou terceiro. Pasou así á Europa League, competición na que acadou as semifinais. No partido de ida, Angeliño marcou o único gol do partido ante o Rangers (1-0),[34] pero o equipo escocés remontou no encontro de volta no Ibrox Stadium, privando o equipo alemán da súa primeira final europea.[35] En maio de 2022 conquistou a DFB-Pokal, o primeiro título na historia do club, aínda que non chegou a saltar ao campo na final ante o Freiburg.[36]

Cesión ao Hoffenheim[editar | editar a fonte]

No verán de 2022 o Leipzig incorporou ao internacional alemán David Raum para o lateral esquerdo, polo que Angeliño quedou sen sitio no equipo. Saíu entón cedido ao Hoffenheim, da mesma liga.[37]

Participación na selección[editar | editar a fonte]

En novembro de 2013 debutou coa selección española sub-20 nun partido contra Alemaña.

O 20 de maio de 2016 xogou de titular coa selección galega un partido amigable no estadio de Riazor contra a selección de Venezuela, que rematou con empate a un gol.

Familia[editar | editar a fonte]

O seu irmán menor, Dani Tasende, formouse na canteira do Bergantiños e xoga no Villareal B de Segunda División B.

Palmarés[editar | editar a fonte]

Manchester City
RB Leipzig

Notas[editar | editar a fonte]

  1. Centeno, Alexandre; Antelo, Iván (5 de agosto de 2016). "Angeliño convence a Pep Guardiola". La Voz de Galicia (en castelán). Consultado o 2 de decembro de 2021. 
  2. "Angeliño regresó a As Eiroas en Carballo". La Voz de Galicia (en castelán). 20 de xuño de 2015. 
  3. "Angeliño, un coristanqués que crece a pasos agigantados". Adiante Galicia (en castelán). 4 de decembro de 2014. 
  4. Girona FC (30 de decembro de 2016). Entrevista a Angeliño (Youtube) (en castelán). Consultado o 14 de agosto de 2020. 
  5. "El City ficha a otro joven talento gallego". La Voz de Galicia (en castelán). 8 de xullo de 2012. 
  6. "Angeliño asombra a Europa". La Voz de Galicia (en castelán). 5 de outubro de 2013. 
  7. "Angeliño nuevo jugador del Girona" (en castelán). 13 de agosto de 2020. Consultado o 14 de agosto de 2020. [Ligazón morta]
  8. "Angeliño, en el once ideal de la Champions". La Voz de Galicia (en castelán). 21 de abril de 2014. Consultado o 14 de agosto de 2020. 
  9. Johnston, Neil (2 de decembro de 2014). "Sunderland 1-4 Manchester City". BBC Sport (en inglés). 
  10. "New York City FC Sign Angelino on Season-Long Loan" (en inglés). 
  11. "New York City FC v Toronto FC". MLS MatchCenter (en inglés). 
  12. "New York City FC at New England Revolution: Match Recap" (en inglés). 
  13. "Aston Villa 0-4 Manchester City" (BBC Sport) (en inglés). 30 de xaneiro de 2016. 
  14. "Angeliño, de Champions". Galicia Confidencial. 25 de agosto de 2016. Consultado o 14 de agosto de 2020. 
  15. "El Girona presenta a Angeliño" (en castelán). 28 de decembro de 2016. Consultado o 14 de agosto de 2020. 
  16. "Angeliño: "No guardo ningún rencor al Girona"". Marca (en castelán). 15 de febreiro de 2017. Consultado o 14 de agosto de 2020. 
  17. "Angeliño deja el Girona y ficha por el Mallorca". La Voz de Galicia (en castelán). 31 de xaneiro de 2017. Consultado o 14 de agosto de 2020. 
  18. "La plantilla del desastre, un curso después" (en castelán). 19 de outubro de 2017. Consultado o 14 de agosto de 2020. 
  19. "Angeliño se cuela en el once de la temporada en la Eredivisie" (en castelán). 9 de maio de 2018. Consultado o 14 de agosto de 2020. 
  20. "Angeliño: «Decían que era bajo para ser futbolista»". La Voz de Galicia. Consultado o 04/06/2018. 
  21. 21,0 21,1 "El Manchester City ejerce su opción de compra sobre el español Angeliño". Marca (en castelán). 3 de xullo de 2019. Consultado o 14 de agosto de 2020. 
  22. 22,0 22,1 "Angeliño, cedido por el City al Leipzig hasta final de temporada". La Vanguardia (en castelán). 31 de xaneiro de 2020. Consultado o 14 de agosto de 2020. 
  23. "Angeliño se estrena como goleador en la 'manita' del RB Leipzig al Schalke". Marca (en castelán). 22 de febreiro de 2020. Consultado o 14 de agosto de 2020. 
  24. "La conexión Nueva York elimina al Atlético". Marca (en castelán). 13 de agosto de 2020. Arquivado dende o orixinal o 25 de agosto de 2020. Consultado o 14 de agosto de 2020. 
  25. "Cuatro ascensos en 11 años de vida: la increíble historia del RB Leipzig, el equipo que eliminó al Atlético Madrid de Simeone de la Champions" (en castelán). 13 de agosto de 2020. Consultado o 14 de agosto de 2020. 
  26. "Angeliño jugará cedido en el RB Leipzig una temporada más". Marca (en castelán). 8 de setembro de 2020. Consultado o 9 de setembro de 2020. 
  27. "Dous goles de Angeliño selan o triunfo ao Leipzig". La Voz de Galicia. 20 de outubro de 2020. Consultado o 21 de outubro de 2020. 
  28. "Un Angeliño estelar marca un gol, dá outros dous, lanza ao Leipzig e elimina ao Manchester United". La Voz de Galicia. 8 de decembro de 2020. Consultado o 9 de decembro de 2020. 
  29. "El partido que decidirá el futuro de Angeliño". As (en castelán). 12 de febreiro de 2021. Consultado o 14 de febreiro de 2021. 
  30. "El Leipzig compra a Angeliño y Nagelsmann se frota las manos: «Es una ganga»". La Voz de Galicia. Iván Antelo. Consultado o 14 de febreiro de 2021. 
  31. Ramírez, Alberto (10 de marzo de 2021). ""Sorpresa, un pedazo de futbolista": Angeliño, el gallego al que Guardiola despreció" (en castelán). Consultado o 23 de maio de 2022. 
  32. "Angeliño se queda fuera de la convocatoria de Leipzig para la final de DFB Pokal" (en castelán). 12 de maio de 2021. Consultado o 23 de maio de 2022. 
  33. "El Borussia Dortmund, campeón de la Copa de Alemania tras golear al Leipzig" (en castelán). 13 de maio de 2021. Consultado o 23 de maio de 2022. 
  34. Rincón, Jaime (28 de abril de 2022). "Angeliño da alas al Leipzig". Marca (en castelán). Consultado o 23 de maio de 2022. 
  35. "El Rangers de Roy Makaay deja al Leipzig de Angeliño sin la final de la Europa League". La Voz de Galicia (en castelán). 6 de maio de 2022. Consultado o 23 de maio de 2022. 
  36. "El Leipzig gana la Copa de Alemania en los penaltis tras una lucha épica" (en castelán). 21 de maio de 2022. Consultado o 23 de maio de 2022. 
  37. Escario, Sergio (8 de agosto de 2022). "Angeliño, oficial: "Hace tres semanas no esperaba ponerme esta camiseta"". Mundo Deportivo (en castelán). Consultado o 13 de agosto de 2022. 

Véxase tamén[editar | editar a fonte]

Ligazóns externas[editar | editar a fonte]