Dani Tasende
| Tasende | |||
|---|---|---|---|
| Información persoal | |||
| Nome | Daniel Esmorís Tasende | ||
| Nacemento | 6 de xullo de 2000 | ||
| Lugar de nacemento | Silván | ||
| Posición | Lateral esquerdo | ||
| Información de club | |||
| Club actual | Zaragoza | ||
| Carreira xuvenil | |||
| Escolas Luis Calvo Sanz | |||
| 2013–2015 | Manchester City | ||
| 2015–2016 | Bergantiños | ||
| 2016–2019 | Villarreal | ||
| 2017–2018 | → CD Roda | ||
| Carreira sénior | |||
| Anos | Equipos | Aprs | (Gls) |
| 2019–2020 | Villarreal C | 15 | (0) |
| 2020–2024 | Villarreal B | 133 | (10) |
| 2021 | Villarreal | 0 | (0) |
| 2024– | Zaragoza | 0 | (0) |
|
Partidos e goles só en liga doméstica. Club: actualizado a 10 de xullo de 2024. [ editar datos en Wikidata ] | |||
Daniel Esmorís Tasende, nado en Silván (Erbecedo, Coristanco) o 6 de xullo do 2000, é un futbolista galego que xoga de lateral esquerdo no Real Zaragoza, da Segunda División.
É irmán do futbolista da Roma Angeliño.
Traxectoria
[editar | editar a fonte]Comezos
[editar | editar a fonte]Comezou a formarse como futbolista nas Escolas Luís Calvo Sanz de Carballo, ata que en 2013 se trasladou a Manchester, xunto con súa nai e seu irmán Angeliño, que acababa de fichar polo Manchester City.[1] Durante os dous anos que viviu na cidade inglesa estivo na academia de fútbol do City, regresando a Galicia en 2015. Xogou unha tempada co equipo cadete do Bergantiños, actuando como extremo esquerdo con bos números goleadores, ata que o Villarreal o invitou a xogar un torneo amigable, a Yellow Cup, durante as vacacións da Semana Santa.[2] A súa boa actuación no torneo fixo que o conxunto amarelo o fichase para a súa canteira, xunto ao tamén galego Dani Pereiro.[3][4]
Villarreal
[editar | editar a fonte]Xogou cos equipos cadete e xuvenil do Villarreal, sendo cedido na tempada 2017/18 ao xuvenil do CD Roda. Na tempada 2018/19 proclamouse co Villarreal campión da División de Honra Xuvenil e chegou ata a final da Copa de Campións, onde o equipo perdeu contra os xuvenís do Zaragoza na quenda de penaltis.[5] Ademais proclamouse campión da Copa do Rei Xuvenil, tras derrotar na final ao Atlético de Madrid.[6]
A finais desa mesma tempada debutou co Villarreal C en Terceira División, co que continuou na tempada seguinte. Na 2020/21 xogou co Villarreal B na Segunda División B, disputando 22 partidos, case todos como titular, e marcando dous goles. O equipo adestrado por Miguel Álvarez logrou a clasificación para a nova Primeira División RFEF, na que Tasende continuou como titular no lateral esquerdo.
O 30 de novembro de 2021 debutou da man de Unai Emery co primeiro equipo do Villarreal no estadio de Riazor, nun partido correspondente á primeira rolda da Copa do Rei 2021/22 contra o modesto Victoria coruñés, gañando por 0-8.[7] Continuou o resto da tempada no filial, sendo titular en tódolos encontros, incluídos os dous da promoción de ascenso, na que o equipo conseguiu subir a Segunda tras derrotar á UD Logroñés e ao Nàstic na Malata e en Balaídos respectivamente.[8]
O filial amarelo militou as dúas seguintes tempadas na división de prata, nas que Tasende foi aliñado como titular por Miguel Álvarez na meirande parte dos partidos, acumulando 72 encontros e 4 goles na categoría. En xullo de 2024 anunciouse o seu traspaso ao Real Zaragoza, deixando así o Villarreal B despois de 4 anos nos que disputou un total de 133 partidos, con 10 goles no seu haber.[9]
Real Zaragoza
[editar | editar a fonte]Asinou un contrato de catro anos co Real Zaragoza, converténdose na cuarta incorporación do equipo para a tempada 2024/25 da Segunda División, tralas chegadas de Joan Femenías, Mario Soberón e Gori Gracia.[9]
Notas
[editar | editar a fonte]- ↑ "O irmán de Angeliño, Dani Esmorís, visitou As Eiroas". 2 de xullo de 2021. Consultado o 2 de decembro de 2021.
- ↑ Ferreiro, José M. (19 de marzo de 2016). "El hermano de Angeliño entrena con el Villarreal para un torneo". La Voz de Galicia (en castelán). Consultado o 2 de decembro de 2021.
- ↑ Ferreiro, José M. (10 de abril de 2016). "El Villarreal fichará a Daniel, el hermano pequeño de Angeliño". La Voz de Galicia (en castelán). Consultado o 2 de decembro de 2021.
- ↑ Carballo, Pablo (18 de novembro de 2021). "El Villarreal sigue pescando en Galicia". La Voz de Galicia (en castelán). Consultado o 2 de decembro de 2021.
- ↑ Martín, J. (11 de maio de 2019). "Zaragoza 0- Villarreal 0 (7-6): goles, resumen y resultado". As (en castelán). Consultado o 2 de decembro de 2021.
- ↑ "El Villarreal CF se impone al Atlético en la final de la Copa del Rey Juvenil (0-3)" (en castelán). 29 de xuño de 2019. Arquivado dende o orixinal o 05 de febreiro de 2022. Consultado o 2 de decembro de 2021.
- ↑ "Dela, Tasende y Nikita Iosifov debutan con el Villarreal CF" (en castelán). 30 de novembro de 2021. Arquivado dende o orixinal o 02 de decembro de 2021. Consultado o 2 de decembro de 2021.
- ↑ Lestón, Antón (27 de xuño de 2022). "Dani Tasende: «Véxome con opcións de dar o salto»". La Voz de Galicia (en castelán). Consultado o 29 de xuño de 2022.
- ↑ 9,0 9,1 "Dani Tasende ya es jugador del Real Zaragoza" (en castelán). 10 de xullo de 2024. Consultado o 10 de xullo de 2024.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en BDFutbol (en castelán).
- Datos do xogador en lapreferente.com (en castelán).
| Control de autoridades |
|
|---|
