Dani Abalo

Dani Abalo
Biografía
Nacemento	29 de setembro de 1987 (38 anos); Vilagarcía de Arousa
Altura	174 cm
Peso	68 kg
Actividade
Ocupación	futbolista
Período de actividade	2006 -
Deporte	fútbol
Posición de xogo	Extremo esquerdo e centrocampista
Número deportivo	7
2005–2008
Traxectoria

Daniel Abalo Paulos, nado en Vilagarcía de Arousa (Pontevedra) o 29 de setembro de 1987, é un exfutbolista galego.

Traxectoria

Chegou ao Celta procedente das categorías inferiores do Xuventú Cambados para xogar no equipo xuvenil A. Antes de rematar a tempada, o adestrador Rafa Sáez decidiu subir o xogador ao Celta B, no que Abalo axiña se fixo coa titularidade. O 3 de decembro de 2006 Fernando Vázquez fíxoo debutar co equipo absoluto na primeira división no estadio de Son Moix, fronte ao RCD Mallorca.

Na seguinte tempada continuou no Celta B, aínda que participou co primeiro equipo de forma esporádica. Por fin, na tempada 2008/09, ascendeu de xeito definitivo para xogar con eles na Segunda División. Debido, entre outras cousas, ao interese posto nel por outros equipos, o 23 de xullo de 2009 a directiva celeste decidiu blindalo cun novo contrato deica 2013 e unha cláusula de rescisión de 10 millóns de euros.

Na campaña 2010/11 partiu como suplente do xa veterano De Lucas, pero chegou a disputar 35 partidos (9 como titular e 26 como suplente), anotando 3 goles e dando 5 asistencias. Malia a súa calidade, a irregularidade de Abalo fixo que perdese continuidade no equipo e, na tempada 2011/12, a súa escasa participación na primeira volta levouno a aceptar unha oferta do Gimnàstic de Tarragona para marchar cedido ata o final de liga. Ao ano seguinte volveu repetir cesión, esta vez ao SC Beira-Mar portugués onde realizou moi bo papel, o que fixo que recibise varias ofertas para a tempada 2013/14. Finalmente rescindiu o seu contrato co Celta no verán de 2013 e fichou polo Ludogorets Razgrad, vixente campión da liga búlgara e que xogou a fase clasificatoria para a Champions League^[1].

Clubs

Ano	Club	División	País	Partidos	Goles
2004-2005	Xuventú Cambados	Preferente Autonómica	Galicia	34
2005-2006	Celta de Vigo B	Segunda B	Galicia	15	3
2006-2007	Celta de Vigo B	Segunda B	Galicia	34	3
2006-2007	Celta de Vigo	Primeira	Galicia	1	0
2007-2008	Celta de Vigo B	Segunda B	Galicia	35	4
2007-2008	Celta de Vigo	Segunda	Galicia	2	0
2008-2009	Celta de Vigo	Segunda	Galicia	35	2
2009-2010	Celta de Vigo	Segunda	Galicia	29	2
2010-2011	Celta de Vigo	Segunda	Galicia	35	3
2011-2012	Celta de Vigo	Segunda	Galicia	4	0
2011-2012	Gimnàstic de Tarragona (cedido)	Segunda	Cataluña	17	0
2012-2013	Celta de Vigo	Primeira	Galicia	1	0
2012-2013	SC Beira-Mar (cedido)	Primeira Liga	Portugal	88	2
2013-2014	Ludogorets Razgrad	Primeira División	Bulgaria	41	10
2014-2015	Ludogorets Razgrad	Primeira División	Bulgaria	42	11
2015-2016	Sivasspor	Süper Lig	Turquía	13	1
2016	Deportivo Alavés	Segunda	España	7	0
2016-2017	Korona Kielce	Ekstraklasa de Polonia	Polonia	21	1
2017-2018	FC Cartagena	Segunda B	España	19	0
2018-2019	FC Cartagena	Segunda B	España	1	0
2018-2019	UP Langreo	Segunda B	España	31	6
2019-2020	Racing de Ferrol	Segunda B	Galicia	15	0
2020-2021	Racing de Ferrol	Segunda B	Galicia	12	0
2021-2022	Portonovo SD	Preferente Autonómica	Galicia

Campionatos nacionais

Título	Club	País	Ano
Liga de Bulgaria	PFC Ludogorets Razgrad	Bulgaria	2014
Liga de Bulgaria	PFC Ludogorets Razgrad	Bulgaria	2015
Copa de Bulgaria	PFC Ludogorets Razgrad	Bulgaria	2014
Supercopa de Bulgaria	PFC Ludogorets Razgrad	Bulgaria	2014
Segunda División	Deportivo Alavés	España	2016
Segunda División B	FC Cartagena	España	2018

Notas

↑ "Dani Abalo se desvincula del Celta", artigo en Marca, 26 de xuño de 2013 (en castelán).

Véxase tamén

Ligazóns externas

Ficha en www.celtavigo.net

[1] "Dani Abalo se desvincula del Celta", artigo en Marca, 26 de xuño de 2013 (en castelán).

[1]